泰金鍋

營業中

休息中

港式邊爐、日式火鍋 就食得多、泰式既真係未試過!撩起了我個好奇心 今晚要一探究竟!餐廳環境好有泰國風情，門口擺了兩張沙灘椅，好CHILL!叫左SET B – 肩胛牛小排任食放題套餐湯底揀左兩款 : ⭐青檸椰奶雞湯鍋 : 味道香甜、用來煮牛肉真係好夾! 好好食⭐冬蔭功鍋 : 吾算好辣、酸酸地幾開囿，用來煮蝦一流!手機用QR CODE落單:肉類都多選擇: 肩胛牛小排、牛胸腹、下肩胛肉眼、牛舌、豬梅肉、羊肩肉等等我地就最鐘意肩胛牛小排，脂肪勻稱肉質軟林又多汁!另外場內都有好多食物自行選取，當中最受注目一定係流水蝦!! 新鮮生猛既蝦夠哂爽口彈牙!! 任夾任食! 蔬菜區、丸類、涼拌、泰式甜品、雪糕等等多樣食物揀選! 真係多到一定試吾哂!其他推介: ⭐榴槤炸彈 – 一咬落去爆哂醬! 好正⭐泰式沙嗲豬/雞串 – 沙嗲汁調教得好好，甜甜地又惹味! 用泰國鋪食既一樣高水準!⭐海南雞 – 一定要試!!!!!! 雞皮夠哂金黃又爽脆! 雞肉好滑! 食左好多件⭐椰汁西米糕 – 出色!整體餐廳性價比高! 平日夜晚都旺場，食物新鮮度高而且質素幾好! 一個價錢可以又食火鍋又食埋泰國食品，我覺得都幾抵食