影片
更多
2019-07-29
69 瀏覽
去完附近試晚裝，同fiancé就搵下呢頭有咩好食，見到呢間有串燒又有雞煲，就入左去食喇！好正呀呢度好多串燒揀🤣不過搞到我地有啲選擇困難症😂😂😂我地全部都叫左BB辣～叫串燒一定要少少辣先夠惹味！金菇肥牛卷肥牛有啲乾，但金菇就好juicy ！貴妃蚌面頭有蒜蓉、蔥同指天指椒，睇到啲指天椒都覺得辣，食之前夾走左，食落有少少辣，但可接受。貴妃蚌燒既時間拿捏得好好，無過熟，所以唔會出現食橡膠既問題！👍🏻👍🏻而且無因為燒完就大縮水。夾埋啲汁、蒜蓉同蔥食，真係好正勁想encore！但叫得太多野食個胃無位再食，留待下次！花枝丸有好多花枝粒👍🏻👍🏻幾彈牙！雞軟骨好脆，燒得好香口。可惡既fiancé俾我食左粒之後，佢竟然毒食晒成串！證明真係好好食😂M7安格斯牛肉都幾腍，好濃牛味，一串有三塊，都幾大塊。汁燒京蔥牛舌既京蔥簡直畫龍點睛！燒到好juicy又好腍，重正過主角牛舌👅！話說我主要因為呢個川燒特級茄子🍆而揀呢間🤣我地個條茄子勁肥勁大條，同平日見到個啲regular size相比，佢係jumbo size！好抵食，食極都重未食完😂而頭鋪滿爆多蒜蓉，完全唔會驚食幾啖就食晒啲蒜蓉，落既份量超慷慨！啖啖都食到蒜蓉
金菇肥牛卷肥牛有啲乾，但金菇就好juicy ！
貴妃蚌面頭有蒜蓉、蔥同指天指椒，睇到啲指天椒都覺得辣，食之前夾走左，食落有少少辣，但可接受。貴妃蚌燒既時間拿捏得好好，無過熟，所以唔會出現食橡膠既問題！👍🏻👍🏻而且無因為燒完就大縮水。夾埋啲汁、蒜蓉同蔥食，真係好正勁想encore！但叫得太多野食個胃無位再食，留待下次！
花枝丸有好多花枝粒👍🏻👍🏻幾彈牙！
雞軟骨好脆，燒得好香口。可惡既fiancé俾我食左粒之後，佢竟然毒食晒成串！證明真係好好食😂
M7安格斯牛肉都幾腍，好濃牛味，一串有三塊，都幾大塊。
汁燒京蔥牛舌既京蔥簡直畫龍點睛！燒到好juicy又好腍，重正過主角牛舌👅！
話說我主要因為呢個川燒特級茄子🍆而揀呢間🤣我地個條茄子勁肥勁大條，同平日見到個啲regular size相比，佢係jumbo size！
好抵食，食極都重未食完😂而頭鋪滿爆多蒜蓉，完全唔會驚食幾啖就食晒啲蒜蓉，落既份量超慷慨！啖啖都食到蒜蓉，又勁juicy！超正！
自從食過日式燒白鱔之後就難以忘記佢燒過皮脆肉嫩多汁既味道🤤🤤呢度都有得食😍😍呢個加左啲辣粉食落別有一番風味！記得一定要趁熱食！！！呢度一份$88有三串好抵食！上次一串都成六十蚊，重要未計加一！呢度係無加一👍🏻👍🏻
估唔到燒韮菜$30咁大份！開頭以為得一串，佢係成碟！啲醬汁好入味，好好味！不過就油得滯，食個時要邊食邊夾走啲油。
芝士牛油焗雜菌超香牛油味，夾埋燒香左既芝士，簡直無野可以彈！超愛❤️有金菇、秀珍菇同雞脾菇。
竟然有燒大眼雞😍好耐無食過大眼雞，就叫左條試下～唔算大條，不過就夠兩個人食，點埋佢個泰式汁，酸酸地幾好食👍🏻👍🏻
當我地差唔多食完串燒，就上雞煲喇！揀左椰子雞煲，未食都聞到好香椰子味，啲湯好甜！！唔至好甜，係勁甜！！湯底唔單至有椰子肉 重有好多紅棗、杞子、圓肉，唔怪得咁甜！
重有雪耳添，吸晒啲湯，勁甜👍🏻👍🏻好滋補呀！啲雞肉質都好嫩，唔會鞋拾拾。
食完呢餐要努力啲做運動先得喇🙈🙈🙈
張貼
