旺角亞皆老街16號旺角商業大廈3樓
———————————————
美饌B 雞煲海鮮放題套餐 -美國S R F黑毛和牛
(💰: 328 hkd)
(正價時段：19:01-00:00
星期五六日及公眾假期和前夕，
任飲任食兩小時)
餐廳啱啱全新裝修，環境整潔乾淨，食物款式種類包羅萬有😍✨ 平時午市可以食點心，夜晚竟然火鍋、雞煲、燒烤放題一次過提供，啱晒同一班朋友去聚餐👨👩👧👦
宮廷香辣荔枝雞煲 (小辣)🍲
雞煲可以自選小辣中辣或者大辣，一上雞煲就已經香氣四溢，食落都好香好惹味，原來雞仲係任添架~ 等大家可以食到滿足先轉燒烤板👍🏻
雖然真係好想食多幾份，但我諗吓都係留番個肚食火鍋燒肉😜
美國S R F黑毛和牛 🥩
叫完火鍋湯底之後，店員會率先送上一大碟黑毛和牛，完全唔係平時放題見到嘅貨色，牛肉色澤靚、油花分布平均，擺盤亦都幾有心思排得好靚🥰 食落牛肉味香濃，口感瘦而不柴，肥而不膩，令人食個唔停🤤
海鮮拼盤🦐🦑🐟🦪
雖然海鮮係可以任食，但一開始店員都會送上一盤排得好靚嘅海鮮，包括鮑魚、蟶子、青口、蝦、魷魚、魚片等，蝦嘅肉質鮮美彈牙，蟶子同青口都多汁冇沙，總括嚟講海鮮質素都唔差☺️
魚生拼盤🍣
套餐仲包咗一份魚生拼盤，包括生蝦帶子貝類三文魚北寄貝八爪魚等，如果想再添就要額外加錢，魚生大部份都好鮮甜爽口，不過比起普通日本放題可能質素就仲差少少嘅😛
放題仲包咗唔同嘅飲品雪糕同甜品，飲品方面有提供一啲特色手搖飲品，例如爆珠椰果百香果汁、柑桔青檸檬汁等，生津解渴，啱晒打邊爐飲😋 雪糕方面除咗出面可以任食之外，每人仲包咗一杯Movenpick😍😍 實在係太吸引啦✨
🌟提提大家而家新開張仲有優惠「買三送一」‼️真係超級抵食，大家都趁呢段優惠期快啲去試吓啦🤭 餐廳仲有另一間分店喺筲箕灣，港島嘅朋友可以得閒去到訪～
整體評分 (6個🐽為滿分)
味道：🐽🐽🐽🐽🐽🐽
抵食：🐽🐽🐽🐽🐽🐽
環境：🐽🐽🐽🐽🐽🐽
服務：🐽🐽🐽🐽🐽
🐾: 旺角站C3出口步行1分鐘
