八雲札幌拉麵

營業中

休息中

晚上10點零喺東大街，原來好多餐廳都收左，冇咩宵夜可以選擇。行左一陣，除左串燒店同1、2間茶餐廳之外，就得呢間重營業中。一坐底，店員隨即放下一碟烚雞蛋，原來係餐廳免費送給客人食，送烚鷄蛋又幾得意喎。我叫左一人前套餐$88，Ankake Ramen + 鷄肉丸。拉麵即叫即煮，可惜湯底味道好麻麻⋯既不是豬骨湯，又不是麵豉湯，香味同鮮味都欠奉，麵條亦不夠煙靱，糖心蛋同叉燒也未見突出，整體非常一般。反而小食鷄肉丸不錯，有嚼口。