京都一の傳

⚠️警世⚠️如果無coupon/任何折扣 ，呢間餐廳🍴請敬而遠之🤣-佢嘅性價比絕對低，但勝在用料新鮮，賣相服務亦對板，只係份量少、價錢又進取，最可惜係wine list d 酒好行貨，普通料收你三、四倍價錢，有啲水魚感覺。-講返嘢食😎🔸鹿兒島A5和牛涮涮鍋(~$450)🔺追加烏冬一個（ $38 ）有專人幫你擺啲蔬菜落個煲，算唔算加分見仁見智，蔬菜🥬鮮甜，每樣大約4件，牛肉有6片，真係食得出係高級牛肉🥩，油花靚、油脂豐富，香氣撲鼻，一人三片少少唔夠喉。🔸海膽小船壽司（ $258 ）上枱嗰陣呆咗🤯比想像中細好多，不過紫菜勁脆、海膽好新鮮，又creamy,嚿飯🍙嘅醋比例都做得好，算係咁啦🫂(淚🥲）🔸日式炸雞（$108）呢個竟然最抵食，都有6至7件，大大件，外脆內軟，皮藝多肉汁，面頭嘅蔥同紫蘇葉加咗酸酸甜甜嘅醬汁，中和炸雞嘅肥膩。🔸suntory premium生啤（ $50）冇乜特別，勝在夠凍。