影片
更多
2019-02-27
3840 瀏覽
每隔一段長時日，我就會一支公走去食一次自助韓國燒烤。點解一支公？好簡單啫，因為老婆同個仔都唔鍾意，唯有間唔中一條友去食個lunch bbq buffet。石門商場新開咁耐都未去過，第一次踏足發現都好旺喎! 商場一、二期分別有兩間韓燒，本來係去咗京瑞二期嘅金滿洞先，$118, ok吖，但要滿二百先碌得咭，噢! 我係一個唔帶錢出街嘅人嘛。So，過對面一期漢和八吓，$118, 滿一百碌得咭，good! 坐低。就咁睇落漢和比金滿洞旺好多，可謂非常熱鬧。攞咗個靚位就即刻郁手! 百二蚊當然唔可能有太好材料，但我係嗰種鍾意花園鐵板西冷多過日本A級和牛嘅人，所以，呢種貨式可謂啱啱好。夾起西冷、牛肋肉、牛脷、豬頸肉、五花腩、雞肉、雞腎、冬菇、洋葱、金菇菜，共燒五輪；大荳牙、菠菜、泡菜、粉絲；碗仔翅、人蔘雞湯各一；兩碗炒飯一碗白飯；一罐zero，食到呢……飽都係其次，係個口咢骨已經好攰!甜品本來唔好，但竟然有涼粉，整番碗先! (依家喺街好少有淨涼粉賣，係都要加乜加物收我貴D)埋單計數百三蚊，我覺得佢會蝕俾我囉!
石門商場新開咁耐都未去過，第一次踏足發現都好旺喎! 商場一、二期分別有兩間韓燒，本來係去咗京瑞二期嘅金滿洞先，$118, ok吖，但要滿二百先碌得咭，噢! 我係一個唔帶錢出街嘅人嘛。So，過對面一期漢和八吓，$118, 滿一百碌得咭，good! 坐低。
就咁睇落漢和比金滿洞旺好多，可謂非常熱鬧。攞咗個靚位就即刻郁手!
百二蚊當然唔可能有太好材料，但我係嗰種鍾意花園鐵板西冷多過日本A級和牛嘅人，所以，呢種貨式可謂啱啱好。
夾起西冷、牛肋肉、牛脷、豬頸肉、五花腩、雞肉、雞腎、冬菇、洋葱、金菇菜，共燒五輪；大荳牙、菠菜、泡菜、粉絲；碗仔翅、人蔘雞湯各一；兩碗炒飯一碗白飯；
一罐zero，食到呢……飽都係其次，係個口咢骨已經好攰!
甜品本來唔好，但竟然有涼粉，整番碗先! (依家喺街好少有淨涼粉賣，係都要加乜加物收我貴D)
埋單計數百三蚊，我覺得佢會蝕俾我囉!
張貼
