令酒場 (已結業)

本來一月的飯聚，因為疫情所以一直往後推，終於都約返齊腳了。咁耐冇見，決定試間未去過嘅餐廳。見呢間多好評就嚟試下，果然冇失望！！人多好因為可以叫多幾樣每樣都試少少。先點左幾個前菜，有酒盜芝士，螺，營光尤魚同埋多一個唔記得左叫乜邊飲住吹下水等齊人先再點串燒同啲居酒屋小碟，樣樣都好出色。串燒一定會有牛舌，雞軟骨，雞心，雞腎等，因為都係我至愛。重有點左燒南非鮑魚，蠔，明太子等。佢除左燒野其實重有好多其他類型食物選擇，但我哋食燒嘅都飽左。佢杯酒嘅冰係玫瑰花，好靚。唯一係有限時，不過經濟不景氣，大家要體諒。