馬哥孛羅咖啡廳

聽日老公生日，今日同奶奶&姑奶一行8人飯，同佢食生日飯預先慶祝。由於姑奶係會員，所以就係Cafe Marco食下午茶自助餐。行左一個圈，食物款式都好多選擇。我就食凍盤先，薯仔沙律好食，魚生排隊即叫師傅即切，都好新鮮，但就只有3款選擇。火腿就無咩特別。辣酒煮螺夠辣但食到有沙😑茄汁肉丸比較乾身，葡撻就比較出色，可以再encore👍白汁磨菇意粉，釀豆腐，煎釀三寶食左茄子，都ok，蘿蔔糕再煎耐啲會脆啲，好食啲。由於傷風係咁咳，所以唔食得雪糕😭😭唯有食其他甜品飲品方面，檸檬茶，檸水，咖啡都可以任飲。以酒店下午茶自助餐黎講，整體食物款色好多選擇，今次仲有65折，簡直超抵。。👍👍