Pizza Piazza (已結業)

#Pizza Piazza (荔枝角)朋友話要帶我食好好食既pizza🤩。一去到門口，我就記起我2年前都光顧過😁對佢印象都非常好。餐包記得點枱面上面果枝黑醋。朋友叫左 #西班牙黑毛豬扒只係用咗簡單嘅鹽同胡椒調味。豬味都算濃郁，加本身豬既油脂，所以都幾香口。最得意既係佢配既係炸甜薯而唔係薯條🍟。炸甜薯🍠好脆口又香番薯味，甜甜的好好食。我要左 #薄餅12" 🍕揀左💁🏻‍♀️雙層芝士煙肉牛肉mix蟹肉大蝦🍤果然🤩有種🤭唔～～～～好好食呀！既感覺。用左意大利傳統餅皮，🍕薄脆薄脆咁又帶點煙韌。係我好鐘意既餅皮。呢隻餅皮唔會係常食果幾間大型連鎖店食到。👍🏼配料配搭方面都好新鮮好夾。🍯醬料運用得啱啱好，令到pizza 好濕潤呀。總之就是很好食！最後仲揀左意大利芝士蛋糕🍰一齊食！比起出邊食嘅意大利芝士蛋糕有啲唔同，比較硬身啲同埋無咁甜。頭一啖覺得無咩野，但會係越食覺得越好食🤣又幾特別。飲品方面🥛#意大利仁餅朱古力奶昔唔會太甜，岩岩好，唔會飲多兩啖就覺漏。朱古力味幾香但唔太似奶昔😆因爲佢比較稀。