以前睇有碗話碗 試過Omakase 啲和牛超級正🥹隔咗一段時間醒起本陣食燒肉～
今次午市上嚟本身打算單點 點知原來有午餐 仲要好抵添⭐️
· 牛肋肉 & 横隔肉燒肉御膳 (HKD 119)
一個套餐入面有🐃日本黑毛和牛之外
1️⃣又有泡菜 2️⃣又有涼拌芽菜
泡菜聽講係自家新鮮醃製 涼拌芽菜又夠凍夠爽口麻油味都好夠
3️⃣又有沙律、4️⃣又有紫菜
沙律好似好簡單嘅一個椰菜沙律 但係竟然超級令人喜歡！好爽口又冰涼又夠味！
❓紫菜問一問店員先知原來係日本人興燒完塊肉之後再夾塊紫菜再包住飯 好似壽司卷咁一齊食 真係長知識啦～ 試咗依個食法都幾好！
5️⃣又有蛋花湯、6️⃣又有嘢飲
蛋花湯超級足了好多蛋花又有昆布 飲完唔會覺得口渴
嘢飲就離不開可樂、烏龍茶嗰啲平常嘢啦
7️⃣又有個飯、8️⃣又有雪糕
呢度加$12可以升級做生蛋拌飯 ⭐️我覺得係一定要加 襯燒肉食完全係另一個層次！真係幸福到爆🩷🩷
講真百幾蚊有咁多嘢食 係咪真係有錢賺㗎？🥲仲要好好食😋
