但馬屋 (創紀之城五期(apm))

營業中

休息中

之前都有朋友講過呢間但馬屋，不過佢得兩間分店，好難撞岩去嗰區。今次星期日同朋友經過，十二點半都冇咩人，所以決定打邊爐。佢有分60分鐘定量or放題，90分鐘就一定係放題。對於唔太肚餓既我地就選擇左60分鐘既定量。入座前就已經揀好湯底，一入到去就有湯底唔洗等可以即刻打邊爐，服務都真係幾好。一睇，湯底唔係普通hea湯底！我叫左美肌湯，佢就sell話有好多骨膠原，有冇我就唔知，不過佢唔太濃味而且有雞啊薑啊杞子啊蒜啊，所以感覺上都幾好。我地揀左豚肉同牛肉，肉都幾新鮮，外面自助區既食物都好新鮮，廚房會係咁refill。類別都算多，感覺好健康，可能因為有好多菜類，有好出名既superfood羽衣甘藍同蟲草花飲品方面，選擇都好豐富果汁類有橙汁蘋果汁同雜果賓治。汽水就有可口可樂，雪碧啊...值得一提既係佢有新出既無糖可樂(白色嗰款！)同milky soda。另外有蔗汁，綠茶，東瓜茶同玄米茶六十分鐘完全係夠時間，雪糕方面但馬屋係有得食哈根達斯！有四個味！食完好滿足！下次一定要再食！