青藏牛肉麵 (已結業)

今日心血來潮好想食好想呢青藏牛肉面。佢個味道係會令人掛住架！而且價錢又唔貴，份量又好足，兩個成年人食，食到飽一飽都唔使一百蚊，依家係香港呢個生活指數來講，宜係買少見少喇。夜晚八點幾來到，都仲好爆，但等左五分鐘就有位喇。始終佢啲位係細，坐得逼，唔太舒服，通常啲人食完就走，好少人會想坐係度傾計既。今晚原本想食牛肉扁面，因為之前一食佢個扁面就一試難忘，好煙韌好有咬口，直頭唔想再試佢個拉面。而今晚咁岩扁面賣晒，唯有轉食拉面啦。一食，咦！好OK喎。個口感同扁面一模一樣，只係型狀唔同。而肥牛都好多，仲有個難忘既味精湯底。好味到明知味精都忍唔住飲。基本上一碗來講小女子係食唔晒架。當然啦如果要迫我食晒我都食得晒既，不過應該會飽到反艇。點都好啦！真係好推介大家來一試！