老川皇

營業中

休息中

呢間辣野都食過好多次, 今次帶朋友去食辣, 當然都係呢度夠穩陣晏晝黎呢度好D無甘多人, 平時夜晚一定坐爆, 我地今次可以慢慢嘆先來幾個小食，涼拌萵筍絲爽爽脆脆，加埋醋香，很醒胃清新香辣脆腸，少有地用上腸頭，不只是腸中間的部分，所以爽脆之中帶點煙刱感，朋友大讚呢款酸菜桂花魚 ，一大盆份量超多，果然是金湯，酸菜很多好夠味，魚身又滑，而且厚切好有口感，一啖魚一啖湯，小辣程度帶點酸，非常好味脆椒竹籬蝦，先炸好再加上勁香口惹味的乾辣椒，連殼食都得，入面仲有辣花生，加埋彈牙蝦肉，係視覺加味覺享受原來諗緊叫飯定酸辣粉好，最尾叫左粉，果然無叫錯！！超好食！！果湯頭調味做得好好好好，叫左中辣，有辣度的刺激，個酸味又好濃郁，忍唔住飲左好多湯。。。係油，但實在太好味朋友叫左擔擔麵，因為小辣本以為正常發揮，但因為多餸菜所以慢慢食，但佢地D麵條真心靚，因為去到尾D麵一Ｄ都唔會變到爛溶溶，反而仲好有口感，細條但細膩，做得好好最尾仲要讚下個紅糖糍粑，因為都幾有賣相，色澤金黃，食落外脆內軟，沾上紅糖漿同黃豆粉食，又香又甜，即使放耐左表面都仲維持到脆身唔油膩，抵讚！