影片
更多
2025-07-08
80 瀏覽
朋友生日想食得開心又有氣氛，揀咗銅鑼灣【熊本燒肉】「120分鐘澳洲和牛放題」，再升級埋「飲み放題」，食勻燒肉、火鍋，仲有A4 和牛同原條鰻魚壽司，再加生日打卡裝飾，真係一餐盡慶！預先訂座，俾$100蚊訂金，就可以升級無限時任食，4 個人仲送「大塊 A4 和牛片」同「原條鰻魚壽司」。A4 和牛肉質細嫩、油香撲鼻，淥一淥入口即化；原條鰻魚壽司焦香微甜，飯團超迷你，巨大對比吸睛又好味！套餐有超過 70 款燒肉同火鍋配料任點任食：澳洲和牛、厚切牛舌、牛肩胛、豚肉、雞肉全部齊備。火鍋配料選擇都唔少，一爐2食，有肉又有菜，感覺都健康D。我哋仲加咗 $98 升級「飲み放題」，麥啤、生啤、清酒、燒酌任飲，一口燒肉一啖酒真係爽～如果只飲啤酒，+$38 升級任飲Umai Mugi 麥啤都幾抵。除咗主打燒肉和牛，炸物同小食選擇都好吸引，例如章魚小丸子、唐揚雞塊、脆皮香蕉、紫心香芋丸等等，全都即叫即炸，外脆內軟又熱辣辣。前菜沙律同涼拌漬物解膩一流，夾住燒肉又另有一番風味。甜品方面有吉士鯛魚燒、巨型棉花糖、果味綿綿冰等，出面有自助飲品櫃同雪糕櫃俾客人自取，有齊汽水、茶類、多款口味雪糕雪條，啱晒中和返個熱氣。餐廳
朋友生日想食得開心又有氣氛，揀咗銅鑼灣【熊本燒肉】「120分鐘澳洲和牛放題」，再升級埋「飲み放題」，食勻燒肉、火鍋，仲有A4 和牛同原條鰻魚壽司，再加生日打卡裝飾，真係一餐盡慶！
預先訂座，俾$100蚊訂金，就可以升級無限時任食，4 個人仲送「大塊 A4 和牛片」同「原條鰻魚壽司」。A4 和牛肉質細嫩、油香撲鼻，淥一淥入口即化；
原條鰻魚壽司焦香微甜，飯團超迷你，巨大對比吸睛又好味！
套餐有超過 70 款燒肉同火鍋配料任點任食：澳洲和牛、厚切牛舌、牛肩胛、豚肉、雞肉全部齊備。
火鍋配料選擇都唔少，一爐2食，有肉又有菜，感覺都健康D。我哋仲加咗 $98 升級「飲み放題」，麥啤、生啤、清酒、燒酌任飲，一口燒肉一啖酒真係爽～如果只飲啤酒，+$38 升級任飲Umai Mugi 麥啤都幾抵。
除咗主打燒肉和牛，炸物同小食選擇都好吸引，例如章魚小丸子、唐揚雞塊、脆皮香蕉、紫心香芋丸等等，全都即叫即炸，外脆內軟又熱辣辣。前菜沙律同涼拌漬物解膩一流，夾住燒肉又另有一番風味。
甜品方面有吉士鯛魚燒、巨型棉花糖、果味綿綿冰等，出面有自助飲品櫃同雪糕櫃俾客人自取，有齊汽水、茶類、多款口味雪糕雪條，啱晒中和返個熱氣。
餐廳幫我哋準備咗生日裝飾牆，生日帽、氣球、影相效果非常有氣氛。最後仲播住生日歌送上甜品擺盤，藍莓切餅仲加左Labubu生日畫碟，超級驚喜。整體嚟講，今次慶生聚會成晚氣氛都好 Chill～燒肉火鍋夠豐富，飲み放題又夠盡興，加上餐廳準備嘅生日佈置夠晒有心思，真係一場玩得盡興、食得開懷嘅慶生聚會！
張貼
