金祥排骨麵

營業中

休息中

依間排骨麵都幾出名，嚟開西環經過又見到唔洗等位，就決定喺度食晚餐。店內空間唔算好大，係嗰種街坊小店，見好多幫襯嘅都似係附近街坊。麵嘅選擇非常多，見排骨咁出名當然係要試下啦，點左個菜膽排骨麵。排骨係鮮炸，所以都要等一段時間先有得食。依個麵$42夠哂平，排骨係炸得酥脆嘅，唔會好乾身，而且食落口都唔會好油膩，個人覺得係幾好食嘅。同埋佢嘅色澤望落都幾吸引。麵嘅部分就正正常常，覺得比較普通，有啲後悔無揀粗麵條，係一碗幾清淡嘅麵。但依個價錢嚟講咁樣一餐係抵食嘅。另外仲叫左個排骨粗炒麵，依個麵一嚟到有啲嚇親，好大兜，分量勁多。排骨一樣係新鮮炸，但粗麵食落真係無咩味道，非常淡，可能算係健康啲無落咁多調味？但對於我依個食開重口味嘅人嚟講就唔啱，食到一半已經有啲想放棄。見好多人讚依度啲食物，但坦白講自己又覺得間鋪未去到令我驚艷嘅程度。可能一開始期望有啲過大，食完覺得還好啦，排骨麵係好食嘅，但其他野就一般般啦。