晶百合餐廳

營業中

休息中

喺九龍城覓食唔一定要食泰國菜㗎！發掘咗一間主打手工小籠包、牛肉餅、生煎包嘅餐廳, 全部都係師傅現場製作👨🏻‍🍳, 仲有焗飯、意粉🍝、全日餐等等, 中西式都有, 食物多元化！🥢爆汁牛肉餅 外皮煎至金黃酥脆, 一口咬落去即刻爆汁, 肉餡熱辣辣, 肉汁豐富！牛肉餡紮實鮮嫩, 調味剛好, 仲有蔥粒嘅甜味, 皮薄餡靚！🥢爆汁生煎包皇 表面灑上黑芝麻粒, 底部煎至微微焦脆, 豬肉餡鮮美多汁！🥢醬汁牛仔骨茄子煲 牛仔骨好嫩好入味；茄子炆至軟腍🍆, 完全索晒個汁, 仲有洋蔥🧅、薑粒🫚, 更加濃郁惹味！🥢蔥爆牛肉牛肉軟嫩入味, 而且夠鑊氣, 送飯一流！