豊勝手丼 (已搬遷) 新店位置

豊勝手丼 其實都食過好多次 冇一次令我失望 魚生新鮮肥美性價比高 今晚又一個人嚟開餐啦其實一個人想食日本菜都幾困難 食壽司 又唔知要食幾多件先夠 一個人選擇性又少 食丼飯就唔同 大大碗飯 可以選擇自己喜歡嘅魚生 夠曬飽又夠彈性嘅選擇五品丼 魚生包含 三文魚 油甘魚 活帶子 赤蝦和日本海膽套餐還包括 沙律菜 餐前小吃和麵豉湯一向食開好嘢嘅我 望落去就知魚生夠新鮮 色澤亮麗 水潤光感廚師非常細心 赤蝦抽出蝦腸 令客人食得安心又放心帶子一開三 肉質依然肥美飽滿 非常新鮮鮮甜油甘魚 油脂味香三文魚 肥美海膽甘香 非常creamy旁邊仲有少量調味料 但我覺得唔使加任何調味 先可以食出食材嘅真鮮味丼飯選擇非常多 款款新鮮 賣相吸引 如果我有四個胃多麼好呢