明記甜品 (已結業)

今晚喺附近食完飯，諗住去聰嫂食返個甜品啦，一如以往好多人，排長龍，見到對面有間新開嘅甜品，就諗住試一試啦。唔試猶自可，一試就賴嘢啦！想叫芒果糯米糍，冇。好啦，改叫芒果班戟，又冇。都算啦，再叫佢哋個招牌生磨合桃露，今次有啦。碗嘢嚟到之後杰撻撻，一食落口，即刻擺番低隻匙羹，再估唔起勇氣食第二啖啦。唔使食，一睇就知係開粉，如果我買包合桃粉自己返屋企開水，我可能都整得好食過佢！實在係太失望啦！唔會再去第二次！