紹華小廚

營業中

休息中

呢幾日天氣真係好好好凍，凍到完全唔想出門，但打工仔表示無得揀，手停口停，唯有乖乖地爬起身返工～所以我就決定今日收工要獎勵下自己，食返個暖笠笠嘅煲仔飯，咁先對得住自己架嘛！野菌、鵝肝、豉油、燒汁、煲仔飯，呢四種食材同配料聽落好似九唔搭八，但原來配搭起上嚟又幾好食。 炭燒煲仔飯嘅火候控制得好好，煲底有飯焦之餘，又唔會太燶。加上經過薄薄一層油炸嘅鵝肝粒，成煲飯嘅香味就更加濃郁。 就算配料喺落咗本身水份比較多嘅菌類，飯粒都無因為咁而又濕又爛，反而仲保持到粒粒分明，食落仲好香軟。最後配上燒汁調味，絕對喺色香味俱全。