華星冰室 (信德中心)

營業中

休息中

一早起身搭船去澳門玩，我決定要俾自己一個good morning!之前想試華星冰室好耐，終於有機會啦！距離入閘位置又啲遠，都有五分鐘路程，如果趕時間入閘，就要預少少時間！如果食早餐，基本上得早餐同營養餐選擇。早餐可以揀炒蛋同煎蛋，我就選擇咗炒蛋，好滑，唔錯！多士外脆內軟，通粉啲又唔會太腍，火腿絲份量啱啱好，餐茶就揀咗茶走，茶味濃，唔鞋口，飲完回香㗎！下次去澳門前，都要唻食！