影片
更多
2023-06-11
824 瀏覽
今晚心血來潮，突然間好想打邊爐，即刻就用app去攞飛！星期六嘅夜晚都幾多人等位，我都等咗大概半個鐘先有得食～我揀咗$198一位嘅愛爾蘭牛胸腹餐，原來星期六日係要加多$10嘅。入座嘅時候揀湯底，原來一個人都可以食鴛鴦火鍋我今次就揀咗沙嗲湯底，同埋蕃茄湯底坐咗埋位之後等咗好耐，先至有人攞個煲嚟😂我就趁呢段時間去咗夾餸同埋攞嘢飲先一個人打邊爐其實都幾正㗎，可以慢慢食，靜靜哋食。唯一麻煩啲就係會有啲人行過望住囉🤣始終都唔算好多人會一個人去食任食火鍋買單連埋+1大概$220 ，都OK啦，一個人就食唔到好多嘢，不過都食咗成5碟肉番茄湯底酸酸甜甜非常開胃！本身我自己食火鍋好鐘意沙爹湯底，但呢度嘅沙爹湯底比較油膩，不過沙爹味道都濃郁！呢兩個湯底配搭我覺得幾好。愛爾蘭牛胸腹肉切得好薄，我自己就好鐘意！因為薄d 入口即溶~ 今次d豬就韌咗少少，所以無追加，淨係食咗一開始上嘅。其他配料方面mou mou club嘅選擇一向都唔算多，日式火鍋唔似港式咁多“蝦滑”、”墨魚滑"，所以我主要都係食咗d娃娃菜、粉絲、豆芽、豆腐。moumou club嘅丸類我一向都覺得選擇不多而味道都一般，睇個樣都覺得唔新鮮，成舊雪都
我揀咗$198一位嘅愛爾蘭牛胸腹餐，原來星期六日係要加多$10嘅。入座嘅時候揀湯底，原來一個人都可以食鴛鴦火鍋
我今次就揀咗沙嗲湯底，同埋蕃茄湯底
坐咗埋位之後等咗好耐，先至有人攞個煲嚟😂我就趁呢段時間去咗夾餸同埋攞嘢飲先
一個人打邊爐其實都幾正㗎，可以慢慢食，靜靜哋食。唯一麻煩啲就係會有啲人行過望住囉🤣始終都唔算好多人會一個人去食任食火鍋
買單連埋+1大概$220 ，都OK啦，一個人就食唔到好多嘢，不過都食咗成5碟肉
番茄湯底酸酸甜甜非常開胃！本身我自己食火鍋好鐘意沙爹湯底，但呢度嘅沙爹湯底比較油膩，不過沙爹味道都濃郁！呢兩個湯底配搭我覺得幾好。
愛爾蘭牛胸腹肉切得好薄，我自己就好鐘意！因為薄d 入口即溶~ 今次d豬就韌咗少少，所以無追加，淨係食咗一開始上嘅。
其他配料方面mou mou club嘅選擇一向都唔算多，日式火鍋唔似港式咁多“蝦滑”、”墨魚滑"，所以我主要都係食咗d娃娃菜、粉絲、豆芽、豆腐。moumou club嘅丸類我一向都覺得選擇不多而味道都一般，睇個樣都覺得唔新鮮，成舊雪都無溶，所以夾都無夾。
張貼
