更多
2023-03-11
35 瀏覽
呢日係觀塘附近放工,想快快趣買個晚餐,又唔想買快餐,所以就去左呢間日式便當專門店買外賣。鋤燒牛肉便當只係56蚊,仲包埋野飲。牛肉份量幾多,質素同份量比吉X家好,唔會太肥。最重要係有唔少蔬菜,感覺好健康。牛肉有用洋蔥調味,個牛肉汁無吉X家咁甜,較岩我口味。明太子玉子燒又係貼地價,只需30蚊。明太子章魚燒呢個仲平,28蚊有6粒。章魚燒幾厚實,粒章魚唔un,整舊似係自整既,唔會好甜同過多醬汁。明太子玉子燒入面有蔬菜,幾特別又有口感。野飲都有幾多款式。仲有d凍食沙律。仲有個小小既空間比大家快食個飯。
張貼