豊勝手丼 (已搬遷) 新店位置

話說，約好了好姊妹K小姐食飯，突然話有急事黎唔倒，甘我都明白，係有d無奈啫～嗚～說好的＂一起吃盡刺身丼＂呢？飯～點都要食嘅～ 出到黎唔通又on居居番返屋企咩！唯有食自己，自己食囉！呢度舖仔唔大，坐位唔算多，黎到好在有位，如果要等就灰過灰姑娘！坐左一陣，睇下menu，已經開始full啦！Menu 有好多選擇，有set，有自選嘅！心情嘅關係同埋選擇困難症嘅我，已經唔想遂款揀！叫set吧！返正呢個set有晒我想食嘅野！嘩～黎到啦～黎到啦～個樣都幾靚，目測完板海膽冇呃人，香蔥呑魚腩雖然切碎左，但都睇得出係靚料好肥美～蝦亦好大隻～肉質軟滑鮮，個人總算叫做開心番少少啦～食落呢～呢粒大海膽好鮮美，個人喜好關係，我覺得大粒呢隻撈飯係味道香d好味d～手板大的原板海膽，呢隻細海膽味道甘d，都好好食好新鮮呀～甘多海膽撈飯，呢種感覺真係好滿足～紫菜包膽呢個環節當然又唔少得啦～外脆內軟又甘香呢～個set仲有包面豉湯，味道適中，唔會太鹹或太淡～日式嘅煮冬菇紅蘿蔔～上面放上木魚絲，味道比較清淡～惹味嘅元貝邊前菜小食～硽得味道好好，入面有d昆布，出色的前菜呢！呢歺食總算填補番心靈上嘅空虛～大滿足的一歺呢！