南非和牛腩後胸肉三重套餐250g：包括南非和牛腩後胸肉、牛板腱同牛舌。南非和牛腩後胸肉油脂花紋均勻，肉質軟嫩帶嚼勁，燒到微焦時油脂香氣爆發，入口即化。我自己最鍾意點簡單嘅鹽同黑椒。
豬頸肉：厚度切得啱啱好，燒完爽脆彈牙，唔會太油膩，非常之惹味。
丹麥多士配牛油蜜糖：多士外面脆裏面軟，牛油同蜜糖比例啱啱好，香甜又唔膩。
套餐附送前菜、湯及白飯
和風湯：簡單但都好鮮味
鹽漬昆布椰菜：椰菜新鮮爽脆，麻油調味好香，昆布嘅鹹鮮同椰菜嘅清甜好夾
木魚絲紫菜飯150g＋溫泉蛋：飯煮得啱啱好，木魚絲同紫菜份量夠，篤穿隻溫泉蛋撈勻之後更加香滑。
