影片
更多
2023-12-29
37 瀏覽
上個月生日係咁食燒肉，我朋友話你可以去食一人燒肉，而家好興㗎，呢間叫做牛繁，個名好得意，仲喺Aeon supermarket入面😀因為聖誕期間食得太多嘢，所以今次我揀咗少肉嘅套餐，但係點知原來份量都唔係少㗎喎，啲人形容個座位叫做社恐福音，因為只係望住牆食，仲要人與人之間係有塊板隔開，令我諗返起疫情嗰陣嘅單間式座位。本身對於肉冇太大期望，反而係有驚喜，因為佢嘅A5和牛肉味係勁濃郁，輕輕燒一陣已經非常之Juice，五花肉都幾出色，不過要用慢火燒耐啲，佢先至會出油脂同更加嫩口，最難燒嘅竟然係雞肉，我用慢火燒咗好耐，最後點啲燒肉汁同味噌汁嚟食，都好唔錯。強推佢嘅蔥蛋飯，香口得嚟同燒肉好夾，呢間性價比勁高，我終於明白點解我朋友向我推薦佢，就算一個人想食燒肉都冇問題🤤
因為聖誕期間食得太多嘢，所以今次我揀咗少肉嘅套餐，但係點知原來份量都唔係少㗎喎，啲人形容個座位叫做社恐福音，因為只係望住牆食，仲要人與人之間係有塊板隔開，令我諗返起疫情嗰陣嘅單間式座位。
本身對於肉冇太大期望，反而係有驚喜，因為佢嘅A5和牛肉味係勁濃郁，輕輕燒一陣已經非常之Juice，五花肉都幾出色，不過要用慢火燒耐啲，佢先至會出油脂同更加嫩口，最難燒嘅竟然係雞肉，我用慢火燒咗好耐，最後點啲燒肉汁同味噌汁嚟食，都好唔錯。
強推佢嘅蔥蛋飯，香口得嚟同燒肉好夾，呢間性價比勁高，我終於明白點解我朋友向我推薦佢，就算一個人想食燒肉都冇問題🤤
張貼
