8鍋臭臭鍋 (謝斐道) (已結業)

有時邊爐癮起，但又唔想下下都食放題啊任食咁Heavy，都會約friend子嚟食呢一間銅鑼灣（尖沙咀都有分店）嘅88臭臭鍋，嘆返個台式輕邊爐～😚😚😚呢度主打一人火鍋，每一種火鍋，你都可以揀自己嘅肉類配料（有雞肉、豬肉同埋牛肉揀），如果唔夠食嘅話，仲可以額外加量😙😙今次我哋就試咗呢兩款：1. 芝士牛奶鍋 $912. 蕃茄白豚鍋 $91兩款都試過，最愛嘅依然係芝士牛奶鍋🤣🤣蕃茄湯都好食嘅，因為佢嗰個蕃茄湯底係好濃好濃嗰一款，就唔係平時可能茶餐廳會食到比較多個種稀嘅蕃茄湯底，相對之下，芝士牛奶鍋就冇咁濃嘅，但又好夠味，叫做恰到好處！😋😋佢一個鍋嘅配料係非常豐富，包括肉類、粉絲、唔同種類嘅丸、蔬菜、同埋一啲海鮮類好似蜆，索晒湯底嘅味之後全部都好好食🥹🥹🥹仲有一隻蛋添，但隻蛋唔可以烚得太耐😂😂如果唔係就冇咗嗰種有蛋汁好Juicy嘅感覺～如果突然之間想打邊爐，又唔想食得太多、好Heavy，都可以諗吓呢間㗎 ！