影片
更多
2023-02-10
44 瀏覽
新年過後又開始同朋友飯聚，佢約我去將軍澳食一人一鍋嘅台式火鍋。呢間係台式火鍋店，佢賣點係台灣藥膳養生鍋，有成12款揀。而套餐我哋就揀左$298極上牛頸及伊比利亞黑毛豬放題，食豪少少。肉類就可以請職員落order，而火鍋配料如丸、腸仔、菜、菇同麵在出面攞，當然唔少得汽水同甜品。各款配料擺放整齊，乾淨衛生，咁大家食得放心。台灣藥膳椰子清雞湯：椰子味又香又濃，藥膳有紅棗同杞子等，補身又養生。台灣藥膳田園蕃茄濃湯：朋友話無諗過蕃茄味會咁濃，藥膳味重，佢話食完火鍋食紅棗，連紅棗都好甜。肉類：牛肉有美國Prime Grade極上生頸脊，豬肉有西班牙伊比利牙黑毛豬。兩款肉味都比較濃，雖然係薄切，但仍然有口感，唔錯。丸菜菇類：朋友好鐘意食丸，佢攞左大量丸，好快飽晒。丸類真係好好食，出面有D買唔到。原來好多未見過嘅款式，同職員傾計先知道，老闆係搵廠房生產比佢哋，真係用心經營。其中冬陰公蝦丸、芋泥項丸同芝士小龍飽，真心覺得好味。另外菜有羽衣金藍呢種超級食物，成本較貴，老闆真係唔姑寒，食材係值得讚。飲品：呢度真係有好多種類，最like就係連熱飲櫃都有，冬天唔駛飲凍冰冰嘅汽水。甜品：兩個雪櫃裝滿雪榚雪條同甜筒
呢間係台式火鍋店，佢賣點係台灣藥膳養生鍋，有成12款揀。而套餐我哋就揀左$298極上牛頸及伊比利亞黑毛豬放題，食豪少少。
肉類就可以請職員落order，而火鍋配料如丸、腸仔、菜、菇同麵在出面攞，當然唔少得汽水同甜品。各款配料擺放整齊，乾淨衛生，咁大家食得放心。
台灣藥膳椰子清雞湯：椰子味又香又濃，藥膳有紅棗同杞子等，補身又養生。
台灣藥膳田園蕃茄濃湯：朋友話無諗過蕃茄味會咁濃，藥膳味重，佢話食完火鍋食紅棗，連紅棗都好甜。
肉類：牛肉有美國Prime Grade極上生頸脊，豬肉有西班牙伊比利牙黑毛豬。兩款肉味都比較濃，雖然係薄切，但仍然有口感，唔錯。
丸菜菇類：朋友好鐘意食丸，佢攞左大量丸，好快飽晒。丸類真係好好食，出面有D買唔到。原來好多未見過嘅款式，同職員傾計先知道，老闆係搵廠房生產比佢哋，真係用心經營。其中冬陰公蝦丸、芋泥項丸同芝士小龍飽，真心覺得好味。另外菜有羽衣金藍呢種超級食物，成本較貴，老闆真係唔姑寒，食材係值得讚。
飲品：呢度真係有好多種類，最like就係連熱飲櫃都有，冬天唔駛飲凍冰冰嘅汽水。
甜品：兩個雪櫃裝滿雪榚雪條同甜筒，最驚喜就係有我最鐘意嘅movenpick，有咖啡味同雲呢拿味兩款，食完就覺得滿足晒。
張貼
