良い日涮涮鍋

營業中

休息中

朗豪坊頂樓除咗酒吧之外，仲有呢間良い日涮涮鍋，主打食日式任飲火鍋，今次點咗「嚴選牛肉放題」，可以食90分鐘！呢度火鍋係一人一鍋，可以揀自己鍾意既湯底! 我揀左和牛胡椒；朋友揀左豆乳雞白湯！和牛胡椒鍋既胡椒味道都幾突出，鍋內有一大條椒；而豆乳雞白湯入面已經有d菇類，都幾香口!點餐過後好快就送上2盤牛肉、1盤牛舌、1盤豚肉同雞件，全部都可以任點！嚴選牛肉色澤都唔錯，唔會好肥；牛舌切到薄薄地，淥完食帶有少少嚼勁！自助區有多款丸類、蔬菜、炸物、飲品、甜品，加埋都有3-40款，好欣賞佢有好多款菜：西洋菜、唐生菜、娃娃菜、皇帝菜、油麥菜、白菜、粟米等等都有，丸類有貢丸，炸魚蛋、墨魚丸、芝士腸、獅子狗等，甜品有軟雪糕，有牛奶同藍莓味揀，飲品有汽水、咖啡同茶類！