影片
更多
2021-08-13
83 瀏覽
行過見到有一堆人排緊隊，原來係有間新開嘅燒味店 - 燒味滷師咁岩今晚返屋企食飯，就買咗幾樣拎返屋企加餸 (由於唔係即刻食，開飯前叮咗30秒) ▲ 至尊燒鵝(上庄) $110 翻叮之後，燒鵝皮依然香脆，唔會變得又油又淋，讚！ 燒鵝肉依然JUICY，味道剛剛好唔會太鹹，鵝肉到達喉嚨時鵝味會有回甘． 今次第一次試先買1/4隻，其實因為半隻先$180更加抵食，下次再買． ▲ 燒味佬叉燒 $40 初時見到咁瘦嘅叉燒，確實又擔心又失望． 其實我好鍾意食肥膏同時又擔心肉會好硬同鞋，不過放落口就安心哂．肉質鬆軟，但唔係用完鬆肉粉個隻鬆，依然有咬口但唔痴牙． 叉燒仲有肉汁，表層嘅蜜糖甜度剛剛好 ▲ 客家鹽焗雞 半隻 $25 新開張，做緊promotion $25 半隻雞唔怪之得咁多人排隊，我當然唔執輸．買咗半隻客家鹽焗雞，滑滑既雞肉，雞肉沒有雪味，而且就算雞胸肉都唔會鞋，附送沙薑醬，$25 絕對抵食！ ▲ 泰式鳳爪 $45 海蜇爽口彈牙，SIZE 有咬口，唔會太瘦太細條．麻油味道比例剛好． 鳳爪對食開"清湯"嘅我就有啲辣，爽口有咬口，重點非常新鮮，整體唔會太酸．其實食燒味有樣野好驚，就係怕味精，
行過見到有一堆人排緊隊，原來係有間新開嘅燒味店 - 燒味滷師
咁岩今晚返屋企食飯，就買咗幾樣拎返屋企加餸 (由於唔係即刻食，開飯前叮咗30秒) 
▲ 至尊燒鵝(上庄) $110
翻叮之後，燒鵝皮依然香脆，唔會變得又油又淋，讚！
燒鵝肉依然JUICY，味道剛剛好唔會太鹹，鵝肉到達喉嚨時鵝味會有回甘．
今次第一次試先買1/4隻，其實因為半隻先$180更加抵食，下次再買．
▲ 燒味佬叉燒 $40
初時見到咁瘦嘅叉燒，確實又擔心又失望．
其實我好鍾意食肥膏同時又擔心肉會好硬同鞋，不過放落口就安心哂．
肉質鬆軟，但唔係用完鬆肉粉個隻鬆，依然有咬口但唔痴牙．
叉燒仲有肉汁，表層嘅蜜糖甜度剛剛好
▲ 客家鹽焗雞 半隻 $25
新開張，做緊promotion $25 半隻雞唔怪之得咁多人排隊，我當然唔執輸．
買咗半隻客家鹽焗雞，滑滑既雞肉，雞肉沒有雪味，而且就算雞胸肉都唔會鞋，
附送沙薑醬，$25 絕對抵食！
▲ 泰式鳳爪 $45
海蜇爽口彈牙，SIZE 有咬口，唔會太瘦太細條．麻油味道比例剛好．
鳳爪對食開"清湯"嘅我就有啲辣，爽口有咬口，重點非常新鮮，整體唔會太酸．
其實食燒味有樣野好驚，就係怕味精，食完會一直口乾呀！
不過燒味滷師就唔會有呢個問題，而且唔會太濃味鹹死人個種．
重點夠新鮮，而且各款都有水準，而且抵食．
張貼
