影片
更多
2021-02-09
69 瀏覽
Weekend帶媽咪同家姐嘆下，我地大概2點到達，見到餐廳已經坐滿左8成，大多數都係一家大細，論食物質素、餐廳環境，呢間Pizza Express分店係幾高質既！之前已經睇中左呢個2-3人份的《如意套餐 $588》，包一款頭盤、兩款主菜、兩杯飲品，份量都幾多，夠曬我地3人食有餘，自己再另加多一杯飲品。如果想多d人Share，其實仲有個《團圓套餐 $888》，同樣有頭盤，仲可以揀四款主菜，試埋其餘兩款Pizza，不過Lunch想食得輕盈d，所以今次就無揀到Pizza喇~《軟心芝士Parma Ham烤蜜桃拼盤》顔色及賣相耳目一新，之前食過Burrata同番茄的配搭，加埋Parma Ham同蜜桃反而係第一次，仲有少少Rocket墊底。用上2款Parma Ham，比較喜歡薄身嗰款，脂肪比例較多，肉質柔軟芳香；另一款厚身就明顯大塊好多，重鹹香味。蜜桃香甜多汁，唔似係罐頭貨，再加埋奶味濃郁、柔軟順滑的Burrata Cheese，成個組合好Refreshing，不過個Cheese外皮就有點厚身。《意式燉海鮮湯》呢款可以講係3款裏面最中意的一道菜，用上雜錦海鮮、黃車厘茄、番茄海鮮醬，再加入洋蔥、Ba
之前已經睇中左呢個2-3人份的《如意套餐 $588》，包一款頭盤、兩款主菜、兩杯飲品，份量都幾多，夠曬我地3人食有餘，自己再另加多一杯飲品。如果想多d人Share，其實仲有個《團圓套餐 $888》，同樣有頭盤，仲可以揀四款主菜，試埋其餘兩款Pizza，不過Lunch想食得輕盈d，所以今次就無揀到Pizza喇~
《軟心芝士Parma Ham烤蜜桃拼盤》
顔色及賣相耳目一新，之前食過Burrata同番茄的配搭，加埋Parma Ham同蜜桃反而係第一次，仲有少少Rocket墊底。用上2款Parma Ham，比較喜歡薄身嗰款，脂肪比例較多，肉質柔軟芳香；另一款厚身就明顯大塊好多，重鹹香味。蜜桃香甜多汁，唔似係罐頭貨，再加埋奶味濃郁、柔軟順滑的Burrata Cheese，成個組合好Refreshing，不過個Cheese外皮就有點厚身。
《意式燉海鮮湯》
呢款可以講係3款裏面最中意的一道菜，用上雜錦海鮮、黃車厘茄、番茄海鮮醬，再加入洋蔥、Basil、白酒調味，另外配搭蒜蓉包食用。
湯頭濃稠，鮮味突出，因爲海鮮加入番茄，所以入口已經食到濃郁又鮮甜的番茄海鮮味。海鮮方面有爽口彈牙的鮮蝦、青口、八爪魚、小柱，連埋外酥内軟的蒜蓉包真係好好味。
《牛肝菌雞肉螺絲粉》
Stracciatella Cheese、牛肝菌、雞肉、黃車厘茄及菠菜
牛肝菌香氣馥郁，啖啖菌香，非常厚肉有口感。雞肉吸滿醬汁，螺絲粉軟硬適中，黃車厘茄鮮甜無比，配搭Stracciatella Cheese做到少少拉絲效果。呢款Cheese名字比較陌生，其實就係包裹在Burrata Cheese外皮裏既Cheese，感覺鮮奶味更加突出，彈牙又有濕滑感。
《荔枝特飲》荔枝肉、青檸檸檬汁、薄荷、Soda Water
《西柚特飲》西柚汁、蘆薈、雪碧
《Tiramisu $38》
可以講係性價比超高既Tiramisu，杯裝呈上但份量卻不少，味道香醇濃郁，質感細緻順滑，咖啡酒香氣四溢，濕潤感、香氣和甜度都Balance得好好。
張貼
