食包 (已結業)

睇舖面幅pixel art就知係同路人，期待香港人山上插旗嘅一日！小店舖仔細細，主打做外賣生意，只設有兩張餐枱四張餐椅，但因此會變得逼夾，轉係bar 吧立食會更加適合。🌖WB 豬牛薯堡 $92寫明巨量真係無呃你！個漢堡真係好厚好巨大，目測應該厚過10cm，想一啖食齊所有配料真係無乜可能😝；除左豬肉、牛肉漢堡扒同薯餅之外，仲有蕃茄🍅、生菜🥬、芝士🧀同煎流心蛋🍳！漢堡扒唔太肥膩亦無乜筋，而且又厚又juicy，薯餅表面略帶脆感，粒狀薯仔🥔為漢堡增添口感，流心蛋黃同滴出黎嘅肉汁沾滿麵包，食嘅時候真係要包好成個漢堡🍔，避免肉汁流到周圍都係。🌗四川麻辣雞堡 $68雞肉🐔唔會太乾，但調味上未夠刺激，四川麻辣🌶黎得比較mild ，應該加強力道，或讓客人選擇辣度。🌗Combo 升級套餐+$18套餐包一罐飲品及一款小食，試左水牛城雞翼同薯條🍟。水牛城醬頗辣但餘韻不強，只係霎眼間嘅酸辣，而且得兩隻雞翼，辣度未有積累。