榮熙茶餐廳

營業中

休息中

【 食物種類多元化  】晚餐唔想煮，大角咀咁多野食好方便，上網隨便搵下都好多選擇，我地今晚去左榮熙茶餐廳食飯。餐廳環境幾乾淨，員工好有禮貌，都有見到佢地不停清潔地方。我地點了一個魚香茄子煲，一碟椒鹽鮮魷，飲凍檸檬茶，仲送兩碗中湯。這間餐廳的飯和送都好大碟好大碗，個湯仲係無限添飲，好正。個魚香茄子煲好好味，茄子好香，好多汁碟椒鹽鮮魷真係好大碟，每塊都好大，入口好香脆，魷魚都好鮮甜，我地勁鍾意食！碗中湯係蓮藕煲豬肉，都好足料夠肉味，蓮藕都夠爽口，我覺得非常好味，第一次覺得餐廳的中湯係唔咸的，唔係味精湯，我成碗飲晒。原先想叫多碟菜，但見到兩碟的份量咁多，怕食唔晒，所以唔叫到。