於是我地又黎到我最喜歡既焱丸水產 啦
首先嗌咗個前菜三文魚牛油果油酢漬
三文魚同牛油果嘅配搭出乎意料之外嘅咁好
三文魚冇乜點落調味料
夾埋側邊嘅紫菜同埋沾上醋嘅蕃茄一齊食
成個味道就好突出啦
我哋仲嗌咗一條飛魚刺身
飛魚係時令魚嚟㗎
一條嘅魚肉唔係好多
師傅特登將條魚佈置得十分之神到
就咁睇都都知道好新鮮
另外我哋仲嗌咗我最喜歡嘅深海池魚刺身（右下）
對比起飛魚刺身，深海池魚刺身就比較有咬口
三文魚富士山其實係三文魚加壽司卷嚟嘅
上面嘅三文魚同三文魚子可以按著你嘅需要同壽司卷嚟一齊食既
嚟得炎丸水產點，可以唔食佢嘅燒海鮮呢？
「磯燒」即係將海鮮活捉即燒，盡量保持原汁原味
我哋嗌咗個烏賊磯燒
放落去個時仲係白色嘅
職員幾秒後反轉烏賊
原來已經變得紅卜卜啦！
除咗紅卜卜，仲脹卜卜！
職員再點上秘製嘅醬汁
爽口彈牙～真係好好味～
磯燒白蛤
亦都好肥美
只需要係燒佢既時候落少少日本清酒
就能夠原汁原味咁食到佢啦
而我最期待嘅就係雲丹海苔芋天婦羅
雲丹即係海膽
佢既口感亦都好特別
外脆內軟
所以係我今晚最滿意嘅一味
見到淘先生仲未飽，所以我哋就嗌咗蘆筍煙肉牛肉牛油燒
同日式炒飯畀佢
菠蘿燒酌同埋蘋果條蘋果燒酌
值得叫黎試下
