生生市場 (永德大廈)

營業中

休息中

【#思思賢美食 】🇰🇷地道風味！Raw Mart 生生市場韓式小菜推介！🔥屋企韓燒夜！必備韓式小菜推介！#思思賢嘆世界 #韓式料理 #韓式小菜 #泡菜 #香港美食 #灣仔美食想喺屋企嘆番個正宗韓燒，除咗靚燒肉，又點少得韓式小菜嘅加持呢？🤤 今次我哋就去咗師兄公司附近嘅「Raw Mart 生生市場 생생마트」，呢間由韓國媽媽主理嘅小店，主打多款地道韓式料理、小菜同急凍食品，簡直係韓食愛好者嘅必去之地！🇰🇷我哋掃咗幾款小菜返屋企慢慢嘆：新鮮辣泡菜、涼拌豆芽菜、涼拌菠菜、韓式醃蘿蔔同埋生醃辣八爪魚🐙！全部都好新鮮好惹味！😋特別要推介嘅係佢哋嘅新鮮辣泡菜🌶️，每日新鮮醃製，口感爽脆，同坊間嘅泡菜唔同，冇咁酸，香辣惹味，真係好送飯！👍🏻 另外，生醃辣八爪魚都好正，鮮嫩彈牙，辣味十足！鍾意食辣嘅朋友一定要試下！夾埋燒肉、包住飯一齊食，真係超級滿足！😋😋 下次搞韓燒派對，一定會再去掃貨！😆 大家想搵正宗韓式小菜，不妨去「Raw Mart 生生市場 생생마트」睇下啦！😉📍灣仔店地址:灣仔堅拿道西15號永德大廈地下G13號舖