妹記大排檔 (已結業)

相信大家對佢嘅戰鬥碗都唔陌生啦😏星期六嘅晚市真係非常熱鬧，尖沙咀呢間就冇旺角咁多人，今日兩個人黎食唔洗等位🤪


· 🥩黑椒薯仔牛柳粒 (HKD 138)
呢味餸係我去大排檔必定會食嘅🤣牛柳粒煮至7-8成熟，食落軟嫩多汁。薯仔炒至焦糖色，略嫌外層就炸得唔夠脆。

·🥘豉椒炒蜆 (HKD 78)
呢到嘅炒蜆最正係用大大粒嘅蜆，唔係平時食個d細細隻，而且蜆肉都幾鮮甜！d汁仲可以撈飯食🤤

今日坐嘅位置剛好對住妹記嘅生招牌貓貓，作為貓奴嘅我，可以一路食飯一路睇住懶訓嘅貓貓🐱非常可愛！