影片
更多
2022-04-27
622 瀏覽
去銅鑼灣行街經過哩間餐廳好多次，但一直都冇試過，今日唔知食咩好，一於試吓哩間！餐廳裝修幾靚，休閒感滿滿，今次好幸運地仲可以坐到只有兩張嘅鞦韆座位✌🏻✨磨菇忌廉湯 (餐湯）跟餐可以揀是日餐湯或沙律，但聽到係磨菇湯就吸引我揀咗湯😆 湯嘅味道一般，磨菇味唔夠濃郁，忌廉味亦唔夠香滑，質感仲有啲透明啫喱狀咁，雖然唔知係沖定係真係經過烹調做嘅，但飲落嘅感覺係用粉加水開出嚟嗰啲😅✨黑松露蘑菇濃湯螺絲粉 $90原本睇個名以為係湯粉，結果上菜發現唔係，而且醬汁都唔多，但唔會乾嘅，不過唔太明白所謂嘅濃湯係咩意思🧐 莫非係啲螺絲粉係用磨菇湯煮🤔 但佢地嘅磨菇湯...😅 螺絲粉嘅份量好多，加上飲咗個湯，食哂都好飽。黑松露味道夠濃郁，蘑菇就略嫌少咗啲，另外有少許西蘭花，有埋蔬菜夠完整👏🏻✨熱玫瑰荔枝紅茶 (餐飲轉配）$5茶杯同茶壺中都有幾粒玫瑰，花味香濃🌹 紅茶中帶有淡淡荔枝味，味道清甜唔苦澀😋 餐飲加$5就可以轉配，價錢好抵，而且係成壺份量，絕對試得過👍🏻✨熱檸檬綠茶 (餐飲）平時普通餐飲嘅檸檬茶通常都係紅茶，檸檬綠茶就真係少見。如果飲熱嘅檸檬紅茶，最怕就係茶味苦澀、檸檬越浸越酸，結果味道又酸又澀。但綠茶就可
去銅鑼灣行街經過哩間餐廳好多次，但一直都冇試過，今日唔知食咩好，一於試吓哩間！餐廳裝修幾靚，休閒感滿滿，今次好幸運地仲可以坐到只有兩張嘅鞦韆座位✌🏻
磨菇忌廉湯
8 瀏覽
0 讚好
0 留言
跟餐可以揀是日餐湯或沙律，但聽到係磨菇湯就吸引我揀咗湯😆 湯嘅味道一般，磨菇味唔夠濃郁，忌廉味亦唔夠香滑，質感仲有啲透明啫喱狀咁，雖然唔知係沖定係真係經過烹調做嘅，但飲落嘅感覺係用粉加水開出嚟嗰啲😅
黑松露蘑菇濃湯螺絲粉
10 瀏覽
0 讚好
0 留言
原本睇個名以為係湯粉，結果上菜發現唔係，而且醬汁都唔多，但唔會乾嘅，不過唔太明白所謂嘅濃湯係咩意思🧐 莫非係啲螺絲粉係用磨菇湯煮🤔 但佢地嘅磨菇湯...😅 螺絲粉嘅份量好多，加上飲咗個湯，食哂都好飽。黑松露味道夠濃郁，蘑菇就略嫌少咗啲，另外有少許西蘭花，有埋蔬菜夠完整👏🏻
熱玫瑰荔枝紅茶
10 瀏覽
0 讚好
0 留言
茶杯同茶壺中都有幾粒玫瑰，花味香濃🌹 紅茶中帶有淡淡荔枝味，味道清甜唔苦澀😋 餐飲加$5就可以轉配，價錢好抵，而且係成壺份量，絕對試得過👍🏻
熱檸檬綠茶
8 瀏覽
0 讚好
0 留言
平時普通餐飲嘅檸檬茶通常都係紅茶，檸檬綠茶就真係少見。如果飲熱嘅檸檬紅茶，最怕就係茶味苦澀、檸檬越浸越酸，結果味道又酸又澀。但綠茶就可以避開哩個問題，而且綠茶清甜，加上微微檸檬酸就剛好。
🔍整體感覺：餐廳環境的確幾好，裝修幾靚，仲有特色鞦韆座位，窗邊亦有幾個二人卡位。員工服務態度好好，仲主動提出幫我地調節冷氣溫度，夠細心👍🏻👍🏻 今次叫嘅食物就普普通通不過不失，飲品反而較出色，價錢都幾抵，$90一個套餐，有齊頭盤+主菜+飲品，以哩個價錢睇，性價比都唔錯。
張貼
