影片
更多
2023-08-15
1657 瀏覽
超級推薦嘅京都過江龍拉麵店「GOGYO五行」，而家只要喺中環站H出口行2分鐘就食到！餐廳播住柔和音樂，環境昏暗，門口旁有酒吧枱，中間地下有藝術擺設，每張枱有一盞小燈，環境格調一流。而且餐廳除咗拉麵，仲有壽司set、串燒、沙律、小食及手工啤酒，拉麵價格同其他餐廳差唔多，最平只需HK$98，但食物款式、味道、環境及享用體驗真係勝人一籌！✍🏻 /Siphon（虹吸）十全高湯拉麵 配 昆布漬平目茶漬飯▪️價錢：HK$198▪️美味指數：♥♥♥♥♥今次好幸運食到呢款期間限定、每日限量15份嘅特色拉麵，食法新穎，而且我覺得係好成功嘅一種拉麵新食法！研究開咖啡嘅可能會認識沖泡咖啡時常用嘅「虹吸式製法」，呢款拉麵用咗同樣道理，畀你喺享用拉麵前欣賞整個虹吸過程，等待高湯萃取多款由日本魚乾片熬製嘅湯底，包括日本鰹魚片、鯖魚片、昆布等🐟✨完成虹吸式製法後，高湯傳來陣陣鮮香魚乾味，配以較幼身嘅中太麵，完全唔覺油膩。留咗啲湯待後續享用「昆布漬平目茶漬飯」，真係將成碗湯飲曬㗎👍🏻✨除咗湯底用心，仲有極緻奢華嘅配料，包括慢煮肩肉叉燒、溏心蛋、紫菜，同埋最意想不到嘅磯煮飽魚，配埋檸檬汁，滋味彈牙！其實除咗配料，仲有一碗同
✍🏻 /Siphon（虹吸）十全高湯拉麵 配 昆布漬平目茶漬飯
▪️價錢：HK$198
▪️美味指數：♥♥♥♥♥
今次好幸運食到呢款期間限定、每日限量15份嘅特色拉麵，食法新穎，而且我覺得係好成功嘅一種拉麵新食法！研究開咖啡嘅可能會認識沖泡咖啡時常用嘅「虹吸式製法」，呢款拉麵用咗同樣道理，畀你喺享用拉麵前欣賞整個虹吸過程，等待高湯萃取多款由日本魚乾片熬製嘅湯底，包括日本鰹魚片、鯖魚片、昆布等🐟✨
完成虹吸式製法後，高湯傳來陣陣鮮香魚乾味，配以較幼身嘅中太麵，完全唔覺油膩。留咗啲湯待後續享用「昆布漬平目茶漬飯」，真係將成碗湯飲曬㗎👍🏻✨
除咗湯底用心，仲有極緻奢華嘅配料，包括慢煮肩肉叉燒、溏心蛋、紫菜，同埋最意想不到嘅磯煮飽魚，配埋檸檬汁，滋味彈牙！
其實除咗配料，仲有一碗同樣奢華嘅「昆布漬平目茶漬飯」，內含配料包括帆立貝、元貝、金華火腿等，只要將拉麵剩低嘅高湯倒入茶漬飯，味道立即昇華，呢碗茶漬飯先係精華所在啊😍✨
✍🏻 /五行焦香味噌拉麵
▪️價錢：HK$108
▪️美味指數：♥♥♥♥♥
呢款係GOGYO五行嘅招牌拉麵，配有2片叉燒、木耳、蔥花等，麵條比較粗身彈牙。相比外間嘅同款拉麵，呢度嘅湯底調味真係啱啱好，唔會過份濃郁，帶有神秘感嘅黑色湯底散發濃郁焦香同微微煙燻味，風味同層次感都好豐富有一種「終於食到唔洗成日飲水嘅拉麵」嘅感覺😆✨
✍🏻 /“Luigi” Truffle Fries
▪️價錢：HK$58
▪️美味指數：♥♥♥♥♥
本來以為係會配黑松露醬，但原來係直接將黑松露調味料混合咗落薯條度。不得不讚嘅黑松露係呢種簡單做法都成功令人一啖接一啖咁食落去，而且薯條炸得非常香脆，連小食都咁掂點可以唔推薦喎🍟✨
✍🏻 /GOGYO x HEROS PHASES
▪️價錢：HK$68
▪️美味指數：♥♥♥♥♥
男友係都話要飲返杯，就揀咗呢杯比較有特色嘅酒，融入咗日本花椒同柚子味。我試咗少少，飲落順口，但又帶有小小甜辣嘅刺激感，配黑松露薯條唔錯🍻✨
張貼
