影片
更多
2025-04-04
279 瀏覽
【黃大仙區】【圓香】鑽石山站隔離啟鑽苑陸續有人入住，形成社區，啟鑽商場亦都已經開張。咁樣嘅情況，開業嘅當然唔少得餐廳。佢哋已經有幾間餐廳開咗，商場上面呢間茶餐廳係我第一間係呢個商場食嘅餐廳，就睇吓佢點。我當日下晝去嘅，所以係喺佢哋嘅下午茶時段。見到深海吉列魚柳系列呢個 $43 嘅「原條吉列魚柳」配漢堡扒牛乳炒蛋同牛油厚多士半件好似幾吸引就叫咗，結果就還好啦，魚柳都係一般貨色，炒蛋又係冇乜亮點，有漢堡扒食算係開心咗啲。餐飲我跟「熱奶茶」又反而幾好飲，叫做成個餐最大嘅特色。咁我寫一間餐廳通常都想食兩個餐嘅，寫到多啲嘢畀大家睇嘛。所以我喺粒粒金磚西多士系列叫咗 $43 嘅「粒粒金磚西多士配英倫糖漿」配惡魔炸雞髀等大家睇吓，唔算好食，一般啲囉，餐飲「熱杏霜」都係。不過兩個下午茶餐夾埋都係 $86，就算數啦。。。（地址：鑽石山彩虹道235號啟鑽商場1樓101號舖）
見到深海吉列魚柳系列呢個 $43 嘅「原條吉列魚柳」配漢堡扒牛乳炒蛋同牛油厚多士半件好似幾吸引就叫咗，結果就還好啦，魚柳都係一般貨色，炒蛋又係冇乜亮點，有漢堡扒食算係開心咗啲。餐飲我跟「熱奶茶」又反而幾好飲，叫做成個餐最大嘅特色。
咁我寫一間餐廳通常都想食兩個餐嘅，寫到多啲嘢畀大家睇嘛。所以我喺粒粒金磚西多士系列叫咗 $43 嘅「粒粒金磚西多士配英倫糖漿」配惡魔炸雞髀等大家睇吓，唔算好食，一般啲囉，餐飲「熱杏霜」都係。不過兩個下午茶餐夾埋都係 $86，就算數啦。。。
（地址：鑽石山彩虹道235號啟鑽商場1樓101號舖）
張貼
