影片
更多
2025-04-01
1122 瀏覽
【黃大仙區】【上海新大眾大閘蟹專門店】上司羶鹵獅喺公司出晒名中意食嘢，約得佢去食嘅一定唔敢係一般料。今次嚟咗呢間喺黃大仙嘅餐廳，睇個名以為淨係食大閘蟹，點知原來佢哋啲任食嘢聽講係勁抵食，所以先斗膽叫埋佢。第一次嚟唔敢亂試，試咗 $98 位嘅 A 餐「大滿足」，先試最平嗰個餐。原來 $98 呢個係已經有晒「雞煲」、「烤魚」、「羊腩煲」、「串燒」嘅任食放題，係呀，係呢四樣嘢都係任食！我哋先食任食烤魚，喺麻辣烤魚、酸菜烤魚同蕃茄烤魚之間揀咗酸菜，喂，係整得幾高質嘅清江魚，師傅見我第一次嚟，仲走出嚟問好唔好食。我拍晒心口同佢講話正，咁係正吖嘛。攪到之後試嘅「雙冬羊腩煲」好似冇咁好咁，但係其實如果就咁食嘅話佢都係好食嘅，只係食完個烤魚之後太震撼咁解。到任食雞煲，有得揀麻辣雞煲、奇味雞煲或者熔岩芝士雞煲，我哋揀咗前者，都係具水準之作。食完呢堆已經飽咗八成，仲有任食「各式串燒」未試，點都試埋佢。佢哋有七款串燒可以揀，我哋都各試咗一串，都唔差嘅，放心。唔好忘記仲有嘢飲都係任飲，好重要，罐裝飲料同啤酒有一大個櫃任揀，唔止茶類同埋汽水，仲有啤酒，喪飲啤酒都抵返晒。我已經 plan 定下次有一班人就過嚟慢慢
原來 $98 呢個係已經有晒「雞煲」、「烤魚」、「羊腩煲」、「串燒」嘅任食放題，係呀，係呢四樣嘢都係任食！我哋先食任食烤魚，喺麻辣烤魚、酸菜烤魚同蕃茄烤魚之間揀咗酸菜，喂，係整得幾高質嘅清江魚，師傅見我第一次嚟，仲走出嚟問好唔好食。
我拍晒心口同佢講話正，咁係正吖嘛。攪到之後試嘅「雙冬羊腩煲」好似冇咁好咁，但係其實如果就咁食嘅話佢都係好食嘅，只係食完個烤魚之後太震撼咁解。到任食雞煲，有得揀麻辣雞煲、奇味雞煲或者熔岩芝士雞煲，我哋揀咗前者，都係具水準之作。
食完呢堆已經飽咗八成，仲有任食「各式串燒」未試，點都試埋佢。佢哋有七款串燒可以揀，我哋都各試咗一串，都唔差嘅，放心。唔好忘記仲有嘢飲都係任飲，好重要，罐裝飲料同啤酒有一大個櫃任揀，唔止茶類同埋汽水，仲有啤酒，喪飲啤酒都抵返晒。
我已經 plan 定下次有一班人就過嚟慢慢食，因為佢哋個「極享受」套餐係可以食足 120 分鐘，而且仲可以加埋火鍋，有極品安格斯牛板腱同其他火鍋料等等可以淥一淥佢。加埋蟹粉特色菜、一品料理等等都係任食，都係唔使 $200 位落樓，真係誠意推薦。。。
（地址：黃大仙飛鳳街46號地舖）
張貼
