影片
更多
2021-08-12
163 瀏覽
一直都覺得喺灣仔比較少有放題，一般都係集中銅鑼灣嗰邊，但原來灣仔區都有出名食鮮味高質嘅放題-新南苑分店。以前喺旺角食過新南苑，覺得佢哋海鮮食材夠新鮮，灣仔呢間亦都唔例外！呢度180分鐘任飲任食有三種套餐選擇，海鮮餐丶牛魔王餐及至尊餐。至尊餐可以想試哂餐廳唔同海鮮同牛肉，所以決定揀左至尊餐。招牌鬼馬麻辣雞煲首先坐底左會有雞煲任食，整雞煲要高火煮7分鐘，之後喺每1分鐘30秒炒1次，以防痴底，雞肉咁樣唔會過老，打開煲蓋時已經聞到雞煲嘅香味，雞肉索哂啲醬汁，肉質嫩滑，好惹味，加埋油炸鬼落去炒，食落比雞肉更索汁，辣辣地食落過癮。冰鎮鮑魚食雞煲途中，待應姐姐送左兩隻冰鎮鮑魚比我哋，鮑魚新鮮彈牙，凍食加埋芥茉嘅醬汁味道好夾而且好入味。麻辣小龍蝦小龍蝦味道夠辣，送酒一流！提提大家，喺7月新南苑做緊個個任食小龍蝦限時優惠，會係食完雞煲後及打邊爐之前提供，真係名副其實，食到你滯。新鮮蟹窩花甲湯底湯底有接近5款，我揀左呢個新鮮蟹窩花甲湯底，材料包括有原隻蟹丶蜆丶粟米同埋雜菜等，仲有一個好可愛嘅熊仔頭南瓜湯蓉造型，只限灣仔店先有，好搞笑得意！侍應姐姐會幫手加南瓜湯再開爐加熱湯底，一開始好似睇到個熊仔浸緊浴咁，
呢度180分鐘任飲任食有三種套餐選擇，海鮮餐丶牛魔王餐及至尊餐。至尊餐可以想試哂餐廳唔同海鮮同牛肉，所以決定揀左至尊餐。
招牌鬼馬麻辣雞煲
首先坐底左會有雞煲任食，整雞煲要高火煮7分鐘，之後喺每1分鐘30秒炒1次，以防痴底，雞肉咁樣唔會過老，打開煲蓋時已經聞到雞煲嘅香味，雞肉索哂啲醬汁，肉質嫩滑，好惹味，加埋油炸鬼落去炒，食落比雞肉更索汁，辣辣地食落過癮。
冰鎮鮑魚
食雞煲途中，待應姐姐送左兩隻冰鎮鮑魚比我哋，鮑魚新鮮彈牙，凍食加埋芥茉嘅醬汁味道好夾而且好入味。
麻辣小龍蝦
小龍蝦味道夠辣，送酒一流！提提大家，喺7月新南苑做緊個個任食小龍蝦限時優惠，會係食完雞煲後及打邊爐之前提供，真係名副其實，食到你滯。
新鮮蟹窩花甲湯底
湯底有接近5款，我揀左呢個新鮮蟹窩花甲湯底，材料包括有原隻蟹丶蜆丶粟米同埋雜菜等，仲有一個好可愛嘅熊仔頭南瓜湯蓉造型，只限灣仔店先有，好搞笑得意！
侍應姐姐會幫手加南瓜湯再開爐加熱湯底，一開始好似睇到個熊仔浸緊浴咁，之後等佢慢慢溶化，好療癒。
蟹身仲有啲蟹膏，好驚喜。蟹肉蟹鉗嘅肉都幾多，而蟹加埋蜆肉帶出左南瓜湯底嘅鮮甜味。
至尊餐
至尊餐有一個生猛海鮮海鮮拼盤，牛魔王拼盤等。
海鮮拼盤有大虎蝦丶鮑魚丶帆立貝丶紐西蘭青口丶馬刀貝丶台山蠔丶深海龍躉等。
牛魔王拼盤有美國SRF黑毛和牛肉眼丶安格斯牛小排丶美國RP肥牛心片丶本地手切牛頸脊等。另外仲有其他熟食丶特色小食丶40幾種唔同嘅火鍋配料，超多選擇！
推介SRF黑毛和牛肉眼 ，好重牛味，無肉筋入口嫩滑。
本地手切牛頸脊，幾高質素，牛肉嫩滑新鮮，亦係好有牛味。
海鮮方面，大虎蝦體積好大，好新鮮 ，不過呢個無得添加，煮熟虎蝦後肉質非常彈牙爽口，好鮮味。
另外台山蠔煮熟後，估唔到佢嘅鮮味係咁濃，肉質同味道方面唔會輸得過廣島蠔。
北海道3.7牛乳布甸
食到最後，待應姐姐會送上牛乳布甸作為總結，食牛乳希甸可以中和返之前食火鍋嘅味道。唔好覺得布甸細細樽咁，但牛乳味濃，大滿足。
張貼
