超有驚喜嘅下午茶體驗——香港富麗敦海洋公園酒店星耀廊「和風味遊下午茶」✨ 由沖繩嘅陽光海岸到京都嘅古雅茶韻👉🏻每一件精緻茶點都係一場味覺旅行，仲要性價比超高👘
🌊 和風下午茶亮點逐樣睇
📍 沖繩風情：紫薯蜂蜜牛油脆多士
第一站由沖繩出發！紫薯蓉綿密香甜，配上蜂蜜牛油脆多士，一啖咬落去，外脆內軟，紫薯嘅天然甜味同牛油香完美融合，真係有種喺海島曬太陽嘅慵懶感🍠💛
.
📍 海岸鮮味：柚子啫喱紫蘇蟹肉脆撻
呢款絕對係我嘅最愛！蟹肉鮮甜冇腥味，加入紫蘇葉嘅清香同柚子啫喱嘅微酸，食落清爽又開胃，簡直係夏日海岸風情嘅縮影 🦀🍊
.
📍 福岡浪漫：士多啤梨櫻花蛋糕
粉嫩造型已經滿分！士多啤梨嘅酸甜同櫻花嘅淡雅花香結合，蛋糕質感輕盈，唔會太甜，啱晒打卡同滿足少女心 🍓🌸
.
📍 京都禪意：焙茶白桃蛋糕
旅程嘅尾聲以京都焙茶作結！焙茶嘅炭香深邃，配上白桃嘅清甜，味道層次豐富，仲帶微微回甘，好有「和風」嘅沉靜美感🍑🍵
🍹 飲品推介：必試「雲抹椰霧」！
除咗茶點，一定要配佢哋嘅特調飲品「雲抹椰霧」🍃濃郁嘅抹茶撞上椰奶嘅香甜，口感順滑得嚟又帶微微苦香，飲完成個人都有種治癒感 🥥 亦可加錢升級阿芙佳朵（咖啡配雪糕）、特色雞尾酒💗
✨ 秋祭優惠：消費滿$600即送「爐炭燒$100優惠券」，啱晒計劃晚餐繼續食好西嘅朋友
✨ 環境超Chill：星耀廊以熱帶植物同自然光打造空間，仲有一棵大樹做主題，影相打卡一流🌴坐低傾偈慢慢食，空間感十足
✨ 價錢驚喜：$238/位（未計加一），以酒店下午茶來講好高CP值，尤其係食材配搭咁有心思，絕對值得試
小總結🎊
呢個下午茶唔單止滿足味蕾，仲好似去咗轉mini日本旅行日本旅行🇯🇵，無論係姊妹聚會定情侶約會都啱晒🥰趁住秋日限定，快啲約埋朋友去chill下🎌
.
供應期：2025年11月1-30日
時間：每日3:00-5:30 PM
地點：富麗敦海洋公園酒店1樓星耀廊
訂位：+852 2166 7477／官網預訂
.
#香港下午茶 #和風美食 #富麗敦酒店 📸
