影片
更多
2017-03-10
1374 瀏覽
去元朗搵食,真係可以只係一條既又新街都可以搵到你想食既野 掃街,餐廳,只要你想食既都可以搵到 加上又有大型既商場係元朗搵食絕對唔係難事 但係今日我同大家去搵食就唔係係又新街 而係去大水渠附近既日本餐廳 係呢條街既日本餐廳真係十隻手指都有呀 但係呢一間日式餐廳絕對係一絕!! 因為佢既名氣由它一開的時候小妹已經聽過了 它就是寿司の神 寿司の神是元朗三大日本餐廳之一 要做到三大就知道它不是普通的料子吧 今次就為了補回跟男人來一場不一樣的慶祝 既然在這特別的餐廳食物方面也當然不一樣的 在它家店面小小的只有吧枱及約兩至三張的四人座位 由於我地帶住小PQ ,所以吧枱就未能享用了 今次我們會享用Omakase,在這兒Omakase分為三個等級 分別為$600,700及1000/位 然而我地就豪一點叫了一客是$1000的Omakase 另外加點一些小食~究竟$1000 的Omakase有什麼? 跟我們來看看吧~ 首先會出場的就是前菜刺身,分別有的是 -右下的響螺配海鹽(先吃) -左下的目仁奈 (次吃) -中間的深海池魚 (左)螺片本身就是帶有少許的鮮甜味,加上海水的鹽味 其實已經不需要加上調味,但
掃街,餐廳,只要你想食既都可以搵到
加上又有大型既商場係元朗搵食絕對唔係難事
但係今日我同大家去搵食就唔係係又新街
而係去大水渠附近既日本餐廳
係呢條街既日本餐廳真係十隻手指都有呀
但係呢一間日式餐廳絕對係一絕!!
因為佢既名氣由它一開的時候小妹已經聽過了
它就是寿司の神
寿司の神是元朗三大日本餐廳之一要做到三大就知道它不是普通的料子吧
今次就為了補回跟男人來一場不一樣的慶祝
既然在這特別的餐廳食物方面也當然不一樣的
在它家店面小小的只有吧枱及約兩至三張的四人座位
由於我地帶住小PQ ,所以吧枱就未能享用了
今次我們會享用Omakase,在這兒Omakase分為三個等級
分別為$600,700及1000/位
然而我地就豪一點叫了一客是$1000的Omakase
另外加點一些小食~究竟$1000 的Omakase有什麼?
跟我們來看看吧~
首先會出場的就是前菜刺身,分別有的是
-右下的響螺配海鹽(先吃)
-左下的目仁奈 (次吃)
-中間的深海池魚
(左)螺片本身就是帶有少許的鮮甜味,加上海水的鹽味其實已經不需要加上調味,但在配菜中有未熟透的橘子及海鹽
不過小妹就覺得不需要另加海鹽唔係就會搶左其鮮味
(右)目仁奈,本身魚是沒有什麼味道需要醬汁襯托
先把蔥花放在其魚件上,再輕輕沾上酸汁
記得唔好成件魚浸落酸汁上,唔係成件魚就會失真
亦可以按自己既喜好,點上多少的酸汁
最後深海池魚肉質蠻厚的,所以鮮味及肉質好鮮
只需要沾上醬油就可以吃用了
然後送上的就是湯品廣島蠔雪花煮,要說其雪花煮?主要原因是因湯中的蘿白肉在攪伴時漂起的樣子
♬送你一瓣的雪花 ♪ﾟ另外仲有三葉,柚子皮同主角炸蠔啦 加上點點的蔥花作點啜
再到的就是我認為是當晚的主角呢,壽司七件平時去食壽司其實都見到d 自己鐘意食既就食先
或者想試先就食先,但係今次食壽司都有分先後架
由於我冇機會坐到吧枱,就直接由店只介紹食邊度開始啦
先由上左一起的馬糞海膽壽司吃起說真的小妹很怕吃海膽的,未知之前是否吃到不新鮮的
總是覺得海膽是苦苦的,一口不知什麼的在口中
但係今次吃的絕對是鮮甜,有咬口的,唔會是一啖唔知咩係
來自北海道既馬糞海膽果然係特別唔同D
之後就可以吃上中間的依佐目配萌荷
本身壽司當中會有少許辣,但係絕不影響味覺
加上一點點炸蒜頭/洋蔥絲(誤)
帶出魚上的味道,不需要沾上醬油也可以
右上-飛魚(含有薑絲及蔥絲)
左下-蓮子鯛魚(內含甜豉油及黃芥辣)
或者有人會問點解唔直接用Wasabi 呀?
其實就係有段故既,主要係因為之前Wasabi 其實係古代係好貴既食材之一
亦唔係每個人都可以負擔到既食材,所以就籍住用黃芥辣代替左Wasabi
源用自今時今日啦
下中-鯛魚
平時吃得多煎熟的鯛魚,第一次吃刺身類的
開始進入味濃的壽司系列
分別就係有鰤魚(野生油甘魚)
看到那鮮甜的油甘魚既肥美又厚肉
真係同平時吃到的油甘魚係唔同架
最後最後就是吞羅囉!!但係由於已經食左落肚先發覺
唔.記.得.影.相!!!
不過呢一件既吞羅比起我地係黑門市場吃更肥美更油更好吃!!
男人先話單單一件吞羅都已經值左啦
最後要介紹的是兩款的熟食了,分別有這一道的天婦羅分別有的是羽太及慕容
羽太其實係咩黎呢?其實就魚類既一種,
雖然天婦羅是由炸起的,但肉質仍然好夠嫩滑
沒有被炸起的搶走了一點點的水份
然而慕容就是一種菌類的,吃下了魚件再吃一口慕容,不錯的配搭
最後要出場的就是一道熱食--鹽燒八角魚其實小妹真係唔鐘意食魚皮的人仕,永遠吃魚都是會掃走魚皮的部份
但今次這個八角魚已經把皮的部份煎脆了
有一點像薯片的效果,但係雖然它煎脆了
肉質仍是好嫩滑加上一點的原先的魚汁在內
雖然就是碟子小小的,但是多吃壞肚皮呀嗎
雖然我都想再吃多幾件(篤篤手指)
最後最後最後....當然是甜品時間囉!分別就芝麻味雪糕及木糠布甸,
完美的一餐晚餐就此完結,雖然呢餐認真唔平價錢可以買到一部神器啦,不過男人就認為
呢餐飯既價錢吃到的是食材既品質及當中既服務
雖然小妹唔係坐吧枱但係我都有睇到師傅既功架
再加上專業的店員為我們解釋當中既食材
重點就係係點菜之時,店員會詢問有什麼不吃的東西
以作安排之用,整體上雖然它很貴但它是值得的
題外話/補充資料：
有bb 人仕唔建議去進食,因為位置比較細~同埋擺唔到bb 車
但係店員對於我既小朋友嘈都好友善仲同我小朋友玩下
但係對於享受食品都係兩公婆/情侶黎享用啦
(以上食評乃用戶個人意見 , 並不代表OpenRice之觀點。)
張貼
