二兄車麵館

營業中

休息中

去到大圍食咩好？其實大圍都有好多嘢食㗎，睇左咁多野間餐廳都係想食麵食🍜🥰而我朋友就想食飯🍚🍚，咁岩呢間港式車仔麵餐廳有飯，又有車仔麵選擇😋😋一次過滿足我哋兩個人心水😋荷葉蒸香芋臘鴨四寶籠仔飯（一人套餐 ）🍲🍚 $68咁凍嘅天氣❄️，又係食臘味嘅時候啦，小店嘅籠仔飯一共有四款俾大家選擇，今次就嗌左時令限定既臘味籠仔飯🍲，即叫即蒸，超級新鮮。一人套餐只係買68蚊，性價比極高，配料超多絕不吝嗇🥰有臘鴨、臘腸、臘肉、潤腸👍🏻一打開籠仔飯，香噴噴嘅臘味香味，不得了，食落去咸香惹味，仲帶有淡淡荷葉清香！自選車仔麵 $78一叫就叫咗四個餸，有秘製咖喱魚蛋$15，秘製豬軟骨$15，獨家配方金牛丸$18，同埋獨家配方墨魚丸$18 ，而今次嘅面底就揀咗米線$12，而湯底就係牛腩汁👍🏻😋牛丸一口咬就爆汁，有香濃嘅牛味，豬軟骨食落去軟冧又入味👍🏻魚蛋食落有傳統香港咖喱魚蛋嘅風味，而墨魚丸爽口彈牙😊大大一碗麵，好滿足😜🤤炸蠔餅（小 ）$39酥炸蠔餅香脆可口，外脆內軟的口感，入面係一粒一粒又大又飽滿的蠔仔🦪🦪，食落鮮甜，沾上魚露一併享用，簡直回味無窮。