影片
更多
2022-11-02
251 瀏覽
有一段時間，我突然好想好想食馬來西亞既食物個段時間,咁岩開左好多間馬拉野食就成日去試下不同既餐廳不過有時真係得我同阿仔時，點去番個d餐廳食,佢又食唔到辣,最近我老友間唔使都會入黎屯門開工當然要約佢聚一聚啦係唔係先難得朋友黎開,就同佢去試下我好想試下既野食啦今次我就好想試下GogoMall 既 馬拉公公本身GogoMall 係一個好多唔同種類既美食廣場，但係呢一間就以 「正宗檳城風味、不含味精」做招牌，講到咁勁? 就等我試下先朋友就話之前試過不少講明係正宗既馬拉菜,但係....，一於就試下係唔係真係咁正宗又會有味精先今次我地叫左兩款粉麵，首先有一款係偏辣既福建蝦麵(主要係以蝦殼同蝦頭加辣椒爆炒去煮成既湯底)可以選擇配料有海鮮,豬頸肉,雞絲,香茅豬扒同無骨海南雞(唔同配料唔同價錢)另外一款就係檳城白咖哩麵，(湯底係椰奶喇沙,感覺冇咁辣)可以選擇配料有海鮮,豬頸肉,雞絲,吉列豬扒/魚柳,雜菜蛋,牛肋條同無骨海南雞(唔同配料唔同價錢)首先分享一下呢一款冇咁辣但係好惹味既檳城白咖哩麵,首先有好香既椰香咖哩味,咁我地都係揀左個麵底係摻摻(油麵加米粉)配料就揀左豬頸肉 $48/碗呢碗麵對我呢D食唔到
個段時間,咁岩開左好多間馬拉野食
就成日去試下不同既餐廳
不過有時真係得我同阿仔時，點去番個d餐廳食,
佢又食唔到辣,最近我老友間唔使都會入黎屯門開工
當然要約佢聚一聚啦係唔係先
難得朋友黎開,就同佢去試下我好想試下既野食啦
今次我就好想試下GogoMall 既 馬拉公公
本身GogoMall 係一個好多唔同種類既美食廣場，
但係呢一間就以 「正宗檳城風味、不含味精」做招牌，
講到咁勁? 就等我試下先
朋友就話之前試過不少講明係正宗既馬拉菜,但係....，一於就試下係唔係真係咁正宗又會有味精先
今次我地叫左兩款粉麵，首先有一款係偏辣既福建蝦麵
(主要係以蝦殼同蝦頭加辣椒爆炒去煮成既湯底)
可以選擇配料有海鮮,豬頸肉,雞絲,香茅豬扒同無骨海南雞
(唔同配料唔同價錢)
另外一款就係檳城白咖哩麵，
(湯底係椰奶喇沙,感覺冇咁辣)
可以選擇配料有海鮮,豬頸肉,雞絲,吉列豬扒/魚柳,
雜菜蛋,牛肋條同無骨海南雞
(唔同配料唔同價錢)
首先分享一下呢一款冇咁辣但係好惹味既檳城白咖哩麵,首先有好香既椰香咖哩味,
咁我地都係揀左個麵底係摻摻(油麵加米粉)
配料就揀左豬頸肉 $48/碗
呢碗麵對我呢D食唔到太辣既人仕好岩,豬頸肉唔會好油,
連埋索曬湯底既豆卜超惹味
不得不提,我好憎食芽菜既人仕
但係馬拉菜既芽菜係我唯一會食,亦係會食曬既
個湯底超好飲,重點係飲左你都唔會口渴
超推介呢一款麵比食唔到辣既你呀!
另外呢一款福建蝦麵，真心係辣既,但係我朋友話辣得好惹味,但係我試左少少都頂唔順,
真係需要溝一下我既檳城白咖哩舒緩一下
但係朋友就揀左海鮮配料,當中有魚蛋,魚片同蝦
仲有半隻蛋同豆卜
呢碗既價錢係$49/碗
朋友仲話佢覺得佢個碗抵食好多，因為佢覺得佢D 配料又多又好食
但係我又覺得呢個價錢兩碗都好抵食
同時我地都各叫左一枝飲品，我就當然叫左馬拉奶茶啦凍飲會以一枝裝上的,購上任何主食就可以半價
馬拉奶茶加$9/枝; 另外一款朋友點既薏米水就加$10/枝
個人推介!!馬拉奶茶No.1 !!!
其實係GogoMall 愈來愈多不同種類既食店加盟，
呢一間感覺老闆都是馬來西亞人仕(說話口音)
仲要係你落完Order 就比個牌通知你再去拎，
所以食個陣仲係熱辣辣既,而家又開始秋涼,
如果去開睇戲既話,不如上黎呢度試一下馬拉公公,
睇下係唔係真係好似我咁講?真係食完唔口渴呀!!
是日分享:馬拉公公
屯門屯門鄉事會路112-140號雅都商場Go Go Mall1樓S69號舖
就這樣完結啦，下次再見啦!(拜~)
張貼
