蘇媽.蘇媽馬來西亞茶餐室 (已結業)

星期日去左The one 搵姜man 展覽打卡，人好多，要排隊到第二層，到此一遊啦！之後過左對面蘇媽蘇媽食野，星期六日冇下午茶餐，所以三點呢啲時間有好多吉位，不用排隊，正正子！！由佢第一間店開張已經好想食，門口好靚，但聽講坐得唔舒服，要排隊先食到又冇人陪，終於卑我等到佢開分店，仲要越開越多，希望開間係大西北就perfect!!餐廳裝修好靚有懷舊怡保咖啡館特式，以前去檳城帶團啲回憶返晒黎！環境乾淨，店員服務都好乾淨利落，自助QR code 落單，有提供藤籃擺袋，我食飽飽仲好主動拎左杯溫水卑我，so sweet！#檳城亞參叻沙米粉 $58檳城亞參叻沙同星加波叻沙好唔同，亞參叻沙係酸酸辣辣，湯底濃郁，味道好重好惹味，配料有魚蓉、青瓜、生菜、紅洋蔥、菠蘿、辣椒、薄荷葉，可以揀另上蝦膏。都幾辣，辣得辣唔嗆喉，好中意佢可以免轉其他粉麵，可以揀油麵/米粉/渗渗/米線/河粉/老鼠粉/米通粉，我轉左米粉好吸湯，幾啱我口味！#海南鴛鴦燒麵包 $42十級邪惡！！！有Quota必試！！呢款牛油咖央燒麵包，食落好驚喜，全塊都脆嘅燒麵包，夾住多醬咖央，椰香味爆出來，呢個暫時係我最愛的咖央醬，好香，加埋肥仔牛油中和