COZi DELI

營業中

休息中

【觀塘區】【COZi DELI】好耐都冇喺牛頭角嘅工商業區出現，今次係過開嚟住酒店。見到酒店樓下間西餐廳有住客優惠，諗住下次過嚟呢頭未必享受到呢個優惠，咁就決定食呢間喇。餐廳「COZi DELI」呢個名都有啲酒店飯堂 feel，入到去裝修又幾新潮，坐得都幾舒服，唔錯。雖然係下午茶時段，不過午餐更吸引，叫咗 $128 嘅「烤加拿大穀飼肉眼牛扒伴燒新薯配蘑菇汁」，生熟度我叫咗 Rare，又真係整得幾好。首先塊扒質素對得住個價，牛味香濃，而生熟程度拿捏得亦都好好，令到塊牛扒真係煮出我最想要嘅效果，係有啲料到。佢個餐仲有「是日餐湯」同餐飲，個湯係蕃茄湯，討厭番茄嘅我都覺得唔錯。嘢飲我飲「凍白咖啡」，都好有水準。見佢哋啲嘢做得都幾有誠意，叫件 $38 嘅「極濃椰香紅石榴蛋糕」，雖然冇驚喜，但係本身都唔差嘅。酒店住客免加一，埋單 $166，唔錯嘅。。。（地址：牛頭角偉業街163號悦品海景酒店 ‧ 觀塘地下1號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #deli