影片
更多
2023-05-06
286 瀏覽
【觀塘區】【犇殿台灣火鍋】家中遭逢巨變，所以呢排都未必太有 mood 打到好好嘅 post，咩 post 會令我自己滿意？我覺得係要好笑得嚟，大家有嘢睇到，而且更加有自己感受出到嚟。我覺得自己都只係極少部分能夠做到，不過做唔到全部嘅，做到一兩樣都好。亦都由於係咁，所以我未來花費都會更加保守，可能遲啲做埋平食、劣食 foodie 都未定。不過好似我呢種情感主導嘅人，心情喜歡大起大跌，可能之後又逾越理性去不停花費喺吃喝玩樂度都未定。唔想隻回力鏢打得自己太痛，戴咗頭盔先。所以今次有朋友邀請我去打邊爐，其實就係上次一齊去粉嶺賢河食放題食到一肚氣嗰位。咁我見都好耐都冇同佢食嘢，以前都食得幾密吓，所以可能今次做個終結啦，以後都唔太想食得太貴。即係好似呢啲兩舊至五舊一餐嘅就可免則免喇，五舊以上直頭唔去。我以為一人揀一個湯底，點知佢淨係要一個喎，咁我就求其要咗個「滋補養生人參鍋」，話雖如此，佢清清哋都唔錯。套餐我哋要「牛胸腹板肉晚餐」，係最平嗰款嚟，七點前離座再有得平。呢啲設定就啱晒起身未食嘢嘅我喇，價錢掛帥。首先大家最關心嘅當然係肉類，「牛胸腹板肉」係牛啦，不過肥咗少少，煮咗就縮到綠箭香口膠咁大片，
亦都由於係咁，所以我未來花費都會更加保守，可能遲啲做埋平食、劣食 foodie 都未定。不過好似我呢種情感主導嘅人，心情喜歡大起大跌，可能之後又逾越理性去不停花費喺吃喝玩樂度都未定。唔想隻回力鏢打得自己太痛，戴咗頭盔先。
所以今次有朋友邀請我去打邊爐，其實就係上次一齊去粉嶺賢河食放題食到一肚氣嗰位。咁我見都好耐都冇同佢食嘢，以前都食得幾密吓，所以可能今次做個終結啦，以後都唔太想食得太貴。即係好似呢啲兩舊至五舊一餐嘅就可免則免喇，五舊以上直頭唔去。
我以為一人揀一個湯底，點知佢淨係要一個喎，咁我就求其要咗個「滋補養生人參鍋」，話雖如此，佢清清哋都唔錯。套餐我哋要「牛胸腹板肉晚餐」，係最平嗰款嚟，七點前離座再有得平。呢啲設定就啱晒起身未食嘢嘅我喇，價錢掛帥。
首先大家最關心嘅當然係肉類，「牛胸腹板肉」係牛啦，不過肥咗少少，煮咗就縮到綠箭香口膠咁大片，味道都係一般。豬肉冇叫，返而叫咗碟「紐西蘭羊肉卷」，唔差，正正常常囉。而「阿嬤燒酒雞」就冇酒味，肉質尚算嫩滑咁。
另外就係小食，「芋泥卷」中間有層甜甜哋嘅芋泥幾得意，不過同「厚切午餐肉」一樣攤到凍晒，要烚吓佢先食，爭咁啲。個「十三香滷三寶」係滷水嘢，有肚有腸同埋唔知乜，不過味道上算唔錯喎。至於「老虎醬雞珍」叫咗冇嚟，幫你唔到。
海鮮類選擇不多，我冇食「鮮甜海蜆」，不過有食「台灣鮸魚片」覺得比較一般，唔算好食。魚滑方面，「澎湖墨魚滑」感覺都係冇乜墨魚味，叫個「福州魚青滑」嚟試吓，效果麻麻，只係好似啲冇乜調過味嘅鯪魚滑咁，係失望咗少少。
佢都有啲餃類可以叫，首先當然係想食「手工蛋餃」呢款台式名物，不過都係好一般，冇亮點可言。另一款「福建燕餃」都話幾香肥豬肉味吖，同「台式魚餃」一樣。不過我食唔出呢隻魚餃有幾台式，明明就係好普通嘅魚皮餃，哈哈。
本身係喺小食嗰邊叫咗款麻辣鴨血嚟試，但唔知點解變咗凍嘅，應該係火鍋配料類別嘅「台灣鴨血」，食落味道都 okay，係有鴨血味嘅，唔係整到冇晒味嗰啲。另外叫咗「響玲卷」，唔吸引，本身已經唔脆，淥佢幾秒之後亦唔見豆味有幾出。
反而佢任攞嘅嘢食方面，我覺得有啲嘢值得講吓，有款「芝士豆腐」甜甜哋鹹鹹哋，應該幾啱小朋友食。而「黑木耳」呢啲傳說中可以降低膽固醇同埋控制血糖嘅健康食物就大大塊，食落都唔錯。仲有款「花生芽」幾有趣，第一次食，好似粒花生能住芽菜咁。
其他任攞嘅嘢有大大個飲品櫃，不但有經常喺呢啲環節出現嘅得米乜乜茶，（按：有鳳梨烏龍茶）而且有得米燒仙草爽，我都係第一次見。不過最能夠吸引我嘅飲品，反而唔係得米，係美果巴侖氏清熱檸檬飲，感覺清熱又好飲，冇咁邪惡呀。
甜品櫃得一個細細嘅櫃，不過喺阿根廷返嚟之後對香港嘅雪糕興致大減。冇食 Haagen Dazs 嘅咖啡雪糕，反而試咗本地品牌可可貝妮嘅兩款雪糕。我比較中意沖繩海鹽味，好過比利時焦糖餅味，雖然兩者都係麻麻，但起碼畀到新鮮感我。
另外嘅甜品係兩款韓國雪條，我見佢喺其他任食放題都經常出現，同埋都差唔多，所以唔食喇。六點九交枱，埋單兩位 $413.6，平均每位 $206.8，都真係唔算平，不過港鐵商場舖就算啦，都冇辦法。之後我可能冇乜機會寫咁多呢啲，唯有好好保留個回憶。。。
（地址：九龍灣偉業街33號德福廣場一期1樓F1號舖）
張貼
