牛角Buffet (裕民坊YM²)

營業中

休息中

【觀塘區】【牛角Buffet】有之前電台同事要離開香港，咁我喺 1am0886 嗰篇已經送別咗佢。只不過嗰篇其實係呢餐嘅糖水部份，正餐部份應該係呢篇至啱嘅。我平時食牛角 buffet 都係同同事食，都真係好少同佢哋食，所以我都幾期待呢一餐嘅。我呢晚就不幸遲咗到，所以我係冇份決定叫邊款套餐嘅。之但係可能大家夾咗幾年電台都有個默契喺度，我都係中意食呢個 $528 嘅「澳洲特上和牛放題」，因為我幾中意食牛角嘅澳洲和牛，肥瘦適中，佢個牛味亦都好夠嘅。我一去到就見到一人一杯啤酒喺度，原來佢哋加咗 $30 位嘅「生啤放題」，好飲係好飲，不過我唔係太熱衷喺啲任飲任食場合飲酒。因為我一飲酒嘅話，飲食嘅份量會大幅度減低，會冇乜胃口食嘢咁，最後我都只係飲一杯。移民嘅朋友唔係成日食牛角，佢居然未食過牛角飯，所以我作為一件 foodie 都有義務同佢介紹返有呢樣嘢。佢第一次食，都話係幾好食。平時啲朋友好少食麵食，但呢堆朋友都有叫，我問返佢哋，佢哋都話味道係唔差嘅。最後講埋甜品，泡芙、牛奶雪條似乎係必備，而軟雪糕就有北海道8.0牛乳、伯爵茶、榛子朱古力同埋日向夏柑橘乳酪味可以揀，我冇食到因為又係食到尾冇晒。四個