咖吔

營業中

休息中

【西貢區】【kaya咖吔】同朋友入將軍澳運動場睇波，香港超級聯賽係需要香港人支持嘛。睇完波行咗去坑口嗰邊，喺東港城搵嘢食。嗰時大家都唔算極肚餓，因此我哋就冇考慮嗰啲要食好多呀，或者任飲任食之類嘅餐廳。最後，入咗去呢間星馬菜。朋友食個 $46 嘅「半熟蛋配咖央多士」，呢個係其中一樣新加坡特色菜，朋友略嫌牛油味完全蓋過咖央味，我冇食唔知。跟住就到 $68 嘅「咸蛋黃魚皮」，呢樣嘢曾經 hit 到成個樟宜機場啲行李車都實有，呢個即炸都好味。我自己就食 $82 嘅「白胡椒肉骨茶」，辣就夠晒辣，不過味道上好似唔夠濃，成件事出到嚟好一般。一人一份之後叫份大嘢 share 食，我揀咗 $150 嘅「無骨海南雞」半隻，我覺得算 okay 嘅，起碼份量上都非常足夠先。飲品方面，朋友飲 $38 嘅「美祿恐龍」，佢好中意呢個飲品，不過佢就將呢杯同當年去馬來西亞旅行嗰時嗰杯比較。我就覺得喺得香港飲都冇計，硬係爭啲都冇辦法。我自己就飲 $32 嘅「凍香茅鮮橙茶」，唔錯吖，幾清新。最後埋單價 $458，以「夜晚食少少嘢」嚟講當然唔平，但係睇返叫咗嘅嘢佢又唔算話好貴嘅。不過我就覺得呢間餐廳同另一間星馬菜「馬六」有啲