影片
更多
2023-06-17
622 瀏覽
Weekend 去咗位於炮台山咖啡店-Bunphant Coffee，咖啡店風格純白色，簡約主義，好有清新休閒嘅感覺，原來係人氣蛋糕店 Bunphant.Cake開嘅咖啡店，另外呢度係寵物友善餐廳，設有戶外座位，所以見到有人帶着狗狗嚟嘆吓咖啡，chill一個下午，享受慢活寫意嘅生活。值得一提嘅係，店員殷勤有禮，送餐時面帶笑容。芝士吐司盒配蒜蓉包條好邪惡嘅芝士吐司盒，吐司盒入面載滿咗濃稠嘅芝士醬，配香脆嘅蒜蓉麵包條，充滿蒜蓉同埋牛油香，味道鹹香惹味，沾埋芝士醬嚟食一流，芝士味香濃，令人食上癮，芝士控千祈唔好錯過。魚湯泡雙米配帶子，蝦，青口及日本鱈場蟹蟹肉上枱時覺得賣相吸引，用透明大碗裝住海鮮泡飯，賣相似一個海鮮盆景，入邊嘅海鮮豐富足料，有帶子、蝦、青口及鱈場蟹肉等，另外有豆腐作為配料，值得一讚帶子夠鮮美彈牙。鮮香魚湯用咗透明茶壺以蠟燭加熱，加入奶白色嘅魚湯將米泡成湯飯，米飯吸收魚湯嘅精華，味道夠晒鮮甜，泡飯粒混合咗脆米，食落粒粒分明，好有口感。肉桂卷配芝士淋醬肉桂卷口感有層次，入邊有啲合桃粒，另外加埋焦糖脆更添口感，淋上芝士後味道更豐富。開心果特調奶見到每枱必點嘅打卡飲品，杯邊有開心果醬
Weekend 去咗位於炮台山咖啡店-Bunphant Coffee，咖啡店風格純白色，簡約主義，好有清新休閒嘅感覺，原來係人氣蛋糕店 Bunphant.Cake開嘅咖啡店，另外呢度係寵物友善餐廳，設有戶外座位，所以見到有人帶着狗狗嚟嘆吓咖啡，chill一個下午，享受慢活寫意嘅生活。值得一提嘅係，店員殷勤有禮，送餐時面帶笑容。
芝士吐司盒配蒜蓉包條
好邪惡嘅芝士吐司盒，吐司盒入面載滿咗濃稠嘅芝士醬，配香脆嘅蒜蓉麵包條，充滿蒜蓉同埋牛油香，味道鹹香惹味，沾埋芝士醬嚟食一流，芝士味香濃，令人食上癮，芝士控千祈唔好錯過。
魚湯泡雙米配帶子，蝦，青口及日本鱈場蟹蟹肉
上枱時覺得賣相吸引，用透明大碗裝住海鮮泡飯，賣相似一個海鮮盆景，入邊嘅海鮮豐富足料，有帶子、蝦、青口及鱈場蟹肉等，另外有豆腐作為配料，值得一讚帶子夠鮮美彈牙。鮮香魚湯用咗透明茶壺以蠟燭加熱，加入奶白色嘅魚湯將米泡成湯飯，米飯吸收魚湯嘅精華，味道夠晒鮮甜，泡飯粒混合咗脆米，食落粒粒分明，好有口感。
肉桂卷配芝士淋醬
肉桂卷口感有層次，入邊有啲合桃粒，另外加埋焦糖脆更添口感，淋上芝士後味道更豐富。
開心果特調奶
見到每枱必點嘅打卡飲品，杯邊有開心果醬嘅紋路掛杯，賣相有層次感，好精緻。飲品有濃厚嘅開心果忌廉奶蓋、開心果奶同埋喺表面灑上咗開心果粒，口感濃厚綿滑，幾足料，開心果控必定要點呢杯飲品。
溶化朱古力
朱古力入口順滑濃郁，上面仲有三粒棉花糖增添視覺、口感同埋甜度，朱古力味道香醇，仲有好香嘅回甘。
張貼
